দক্ষিন নেপালত ধুমুহা বৰষুণৰ কাল ৰূপ। বৰ্তমানলৈকে এই ভয়াবহ ধুমুহাৰ ফলত ২৫ জন লোক মৃত্যু হোৱাৰ লগতে কমেও ৪০০ জন লোক আহত হৈছে বুলি প্ৰকাশ কৰিছে ।
গৃহ মন্ত্ৰালয়ৰ বিষয়াই প্ৰকাশ কৰা মতে দেওবাৰে আবেলি অহা ধুমুহাৰ ফলত বাৰা আৰু পাৰছা গাঁওত যথেষ্ট ক্ষতিগ্ৰস্ত হৈছে ।
কাঠমাণ্ডুৰ পৰা ১২৮ কিলোমিটাৰ নিলগত অৱস্থিত বাৰা জিলাত ধুমুহা বৰষুণৰ ফলত ২৪ জন লোকৰ মৃত্যু হয় । আনহাতে পাৰছা জিলাত ১ জন লোক মৃত্যু হৈছে।
নেচনেল ইমাৰজেঞ্চি অপাৰেচন চেন্টাৰে প্ৰকাশ কৰা মতে ৪০০ ৰো অধিক লোক আহত হৈছে । আহত সকলক বিভিন্ন প্ৰান্তৰ চিকিৎসালয়ত ভৰ্তি কৰোৱা হৈছে বুলি প্ৰকাশ কৰে ।
নেপালৰ প্ৰধানমন্ত্ৰী কে পি অলিয়ে সমগ্ৰ ঘটনাত দুখ প্ৰকাশ কৰাৰ লগতে মৃত্যু হোৱা লোকসকলৰ পৰিয়াল বৰ্গলৈ সমবেদনা জ্ঞাপন কৰিছে ।
সেনা আৰু আৰক্ষী বিষয়া সকলে লোক সকলৰ উদ্ধাৰ অভিযান অব্যাহত আছে ।
অধিক খবৰৰ বাবে পঢ়ক : শীৰ্ষ বাতৰি
