প্ৰকৃতিৰ ওপৰত যুৱ সচেতনতা সন্দৰ্ভত অসম সাহিত্য সভা আৰু জ্যোতি চিত্ৰবনৰ কৰ্মশালা

অসম সাহিত্য সভা আৰু জ্যোতি চিত্ৰবনে যৌথভাৱে "প্ৰকৃতিৰ ওপৰত যুৱপ্ৰজন্মৰ প্ৰভাৱ" শীৰ্ষক এখন কৰ্মশালাৰ আয়োজন কৰিছে ৷ সম্প্ৰতি বিশ্বৰ জলবায়ু অতি ক্ষিপ্ৰ গতি পৰিৱৰ্তন হৈছে ৷ গতিকে পৃথিৱীক সুৰক্ষিত কৰাৰ দায়িত্ব ভৱিষ্যত প্ৰজন্মৰ হাতত৷ ইফালে সম্প্ৰতি যুৱ প্ৰজন্মক প্ৰকৃতি আৰু মানুহৰ সম্পৰ্ক বিষয়ে চিনাকী কৰি দিয়াৰ প্ৰয়োজনীয়তা আহি পৰিছে ৷

প্ৰকৃতি বিদ সকলে প্ৰায়ে প্ৰকৃতিৰ সংৰক্ষণৰ ওপৰত বিভিন্ন পদক্ষেপ হাতত লৈ আহিছে ৷ আৰু প্ৰকৃতিবিদ সকলৰ সেই দৃষ্টিভংগীক বাস্তৱ ৰূপ দিবলৈয়ে ভৱিষ্যত প্ৰজন্মৰ কাৰণে এনেধৰণৰ কৰ্মশালা আয়োজন কৰা হৈছে। এই কৰ্মশালাত ষষ্ঠ শ্ৰেণীৰ ছাত্ৰ ছাত্ৰীসকলে ভাগ ল’ব পাৰিব ৷ আৰু তেওঁলোকক প্ৰকৃতিৰ বিষয়ে সমক্য জ্ঞান প্ৰদান কৰা হ’ব ৷

লগতে এই কৰ্মশালাত পক্ষীৰ পৰ্যবেক্ষণ, প্ৰকৃতিৰ সংৰক্ষণ,বন্যজীৱৰ সংৰক্ষণ,জৈৱ বৈচিত্ৰতাৰ ওপৰতো আলোচনা কৰিব ৷ অন্যহাতে অনুষ্ঠানটোত প্ৰকৃতিৰ ওপৰত এখন ডকুমেন্টৰী ছবিও প্ৰদৰ্শন কৰিব ৷ আৰু এখন প্ৰকৃতি সম্বন্ধীয় এখন গ্ৰন্থও উন্মোচন কৰিব ৷ ইফালে কৰ্মশালাত যোগদান কৰিবৰ কাৰণে কোনো মাচুলৰ ব্যৱস্থা নাই ৷ কিন্তু আসনৰ সংখ্যা সীমিত ৷ আয়োজক সকলে সকলো শৈক্ষিক ক্ষেত্ৰৰ পৰা ১০ জনকৈ ছাত্ৰক যোগদান কৰিবলৈ আহ্বান কৰিছে ৷ এই সন্দৰ্ভত পুস্তিকা অসম সাহিত্য সভা আৰু জ্যোতি চিত্ৰ বনৰ কাৰ্যালয়ত উপলব্ধ হ’ব ৷

অন্য খবৰৰ বাবে পঢ়ক : ৰাজ্যিক বাতৰি