বলীউডৰ সদ্য মুক্তি প্ৰাপ্ত ছবি দে দে প্যাৰ দে ছবি খনে উপাৰ্জন কৰিছে ২৩.৮০ কোটি টকা ৷ অজয় দেৱগন,টাবু আৰু ৰকুল প্ৰীত সিংঙৰ অভিনীত দে দে প্যাৰ ছবিখনে মুক্তিৰ দ্বিতীয় দিনাই উপাৰ্জন কৰে ১৩.৩৯ কোটি টকা ৷ ১০.৪৯ কোটি টকাৰে মুকলি হোৱা দে দে প্যাৰ দে ছবিখন ভাৰতত ৩১০০ টা চিত্ৰ গৃহত মুক্তি হৈছে ।
ছবি সমীক্ষক তৰুণ আদৰ্শই এই সন্দৰ্ভত টুইটাৰ যোগে প্ৰকাশ কৰিছে ৷ ইফালে অভিনেতা অজয় দেৱগনৰ ছবি ট’টেল ধামালেও বিগত সময়ত দুটা দিনত ৩৬ কোটি টকা উপাৰ্জন কৰিছিল৷ আকিভ আলীৰ নিৰ্দেশনাত নিৰ্মিত দে দে প্যাৰ দে ছবিখনত টাবু,অজয় দেৱগন আৰু ৰকুল প্ৰীত সিঙৰ উপৰিও আলোক নাথ,জাভেদ জাফাৰী আৰু জিমী শ্বেৰগিলে অভিনয় কৰিছে ৷
উল্লেখ্য যে বলীউডৰ সিংঘম অজয় দেৱগনৰ ৫০ সংখ্যক জন্ম দিনৰ দিনাই অজয় দেৱগন,টাবু আৰু ৰকুল প্ৰীত সিঙৰ অভিনয়েৰে নিৰ্মাণ কৰা ছবি দে দে প্যাৰ দে ছবিখনৰ ট্ৰেইলৰ মুকলি কৰিছে ৷ ইফালে ছবিখনৰ ট্ৰেইলাৰটো ইতিমধ্যে যথেষ্ট জনপ্ৰিয়তা লাভ কৰিছে ৷ ছবিখনত ৫০ বছৰীয়া এজন পুৰুষ জীয়েকৰ বয়সৰ এগৰাকী যুৱতীৰ হোৱা প্ৰেমৰ সম্পৰ্ক দেখুওৱা হৈছে ৷
লগতে ট্ৰেইলৰটোত সকলোৰে হাস্য মধুৰ সংলাপসমূহে আকৃষ্ট কৰিব চলচ্চিত্ৰ প্ৰেমীক ৷ অন্যহাতে সমগ্ৰ বলীউড কঁপাই যোৱা মী টুৰ অভিযোগত অভিযুক্ত আলোক নাথৰ সন্দৰ্ভত অজয় দেৱগনে কয় যে এইয়া উচিত সময় নহয় ৷
অন্যহাতে, বলীউডৰ অভিনেতা অজয় দেৱগনলৈ জয়পুৰৰ এজন কেন্সাৰ ৰোগী আহ্বান যে ধপাঁত জাতীয় মাদক দ্ৰব্যৰ বিজ্ঞাপন কৰা বন্ধ কৰক। ৪০ বয়সীয়া নানকৰামৰ পৰিয়ালৰ ভাষ্য যে নানকৰাম অজয় দেৱগনৰ অনুৰাগী ৷ অজয় দেৱগনেও ধপাঁত জাতীয় পদাৰ্থ সেৱন কৰি বিজ্ঞাপন দিয়ে ৷ কিন্তু সম্প্ৰতি নানকৰামে অনুভৱ কৰিছে যে ধপাঁতে তেওঁৰ জীৱন শেষ কৰি দিলে ৷
ইফালে নানকৰামৰ পুত্ৰৰ ভাষ্য যে মোৰ পিতৃয়ে বিগত কিছু বছৰৰ পূৰ্বৰ পৰা ধপাঁত জাতীয় এবিধ বস্তু খোৱা আৰম্ভ কৰিছে ৷ যিটোৰ বিজ্ঞাপন অজয় দেৱগনে দিয়ে ৷কাৰণ অজয় দেৱগনৰ ভীষণ অনুৰাগী নানকৰাম। কিন্তু যেতিয়া নানকৰামৰ কেন্সাৰ হ’ল তেতিয়া তেওঁ অনুভৱ কৰিলে যে অজয় দেৱগনৰ দৰে ছুপাৰষ্টাৰে এনেধৰণৰ বিজ্ঞাপন কৰিব নালাগে ৷ নানকৰামে এখন পত্ৰত লিখি যে সুৰা, চিগাৰেট আৰু ধঁপাত জাতীয় বস্তুৰ বিজ্ঞাপন ভয়ানক। অভিনেতা অভিনেত্ৰীসকলক এনেধৰণৰ বস্তুৰ বিজ্ঞাপন কেতিয়াও কৰিব নালাগে ।
অধিক খবৰৰ বাবে পঢ়ক : মনোৰঞ্জন
