শুকুৰবাৰে কংগ্ৰেছে উত্তৰ মুম্বাই লোকসভা সমষ্টিৰ পৰা অভিনেত্ৰী উৰ্মীলা মাট'ণ্ডকাৰক প্ৰাৰ্থীত্ব প্ৰদান কৰে। উল্লেখযোগ্য যে উৰ্মীলা মাট'ণ্ডকাৰে দুদিনৰ পূৰ্বে কংগ্ৰেছত যোগদান কৰিছিল ।
বুধবাৰে অভিনেত্ৰী উৰ্মীলা মাট'ণ্ডকাৰৰে কংগ্ৰেছৰ অধ্যক্ষ ৰাহুল গান্ধীৰ লগত আলোচনা কৰাৰ পাছতে কংগ্ৰেছত যোগদান কৰিছিল ।
দলে প্ৰকাশ কৰে যে সাধাৰণ নিৰ্বাচনৰ বাবে মহাৰাষ্ট্ৰৰ উত্তৰ মুম্বাই লোকসভা সমষ্টিৰ পৰা উৰ্মীলা মাট'ণ্ডকাৰক প্ৰাৰ্থীত্ব প্ৰদান কৰে ।
কংগ্ৰেছ দলত যোগদান কৰি উৰ্মীলাই প্ৰকাশ কৰিছিল যোৱা ৫ বছৰত দেশত প্ৰকাশ কৰাৰ স্বাধীনতা খৰ্ব হৈছে । সেয়েহে তেওঁ কংগ্ৰেছত যোগদান কৰাৰ প্ৰয়োজন অনুভৱ কৰিছে বুলি প্ৰকাশ কৰিছে । লগতে অভিনেত্ৰী গৰাকীয়ে প্ৰকাশ কৰে যে কংগ্ৰেছে স্বাধীনভাৱে সংঘৰ্ষ কৰি যোৱাৰ লগতে আৰু স্বাধীনতা বাবে থিয় হৈ আহিছে ।
বিজেপিৰ সাংসদ গোপাল চেট্টীৰ বিৰুদ্ধে নিৰ্বাচনী যুঁজত অবতীৰ্ণ হব উৰ্মীলা মাট'ণ্ডকাৰ।
মুম্বাইৰ ৬ টা সমষ্টিত লোকসভা নিৰ্বাচনৰ অনুষ্ঠিত হব। দেশত ১১ এপ্ৰিলৰ পৰা ১৯ মে লৈকে ৭ টা পৰ্যায়ত নিৰ্বাচন অনুষ্ঠিত হব । ২৩ নিৰ্বাচনৰ ফলাফল ঘোষণা কৰা হব ।
উৰ্মীলাই ছবি জগতত বহুকেইখন জনপ্ৰিয় ছবিত অভিনয় কৰি গৈছে । ছবি নাৰাশ্বিমহা, চমৎকাৰ, ইণ্ডিয়ান, জোদায়ি, সত্য, এক হাচিনা থি আদিৰ দৰে ছবি দুৰ্দ্দান্ত অভিনয়ে দৰ্শকৰ মন জয় কৰিবলৈ সক্ষম হৈছিল ।
অধিক খবৰৰ বাবে পঢ়ক :শীৰ্ষ বাতৰি
