আজি জম্বু-কাশ্মীৰৰ পুলোৱামা জিলাত নিৰাপত্তা ৰক্ষী আৰু সন্ত্ৰাসবাদীৰ মাজত সংঘটিত সংঘৰ্ষৰ ফলত ৪ জনকৈ সন্ত্ৰাসবাদী নিহত হৈছে ।
দক্ষিণ কাশ্মীৰৰ পাঞ্জৰানত এই ৪ জন সন্ত্ৰাসবাদী নিহত হয় বুলি আৰক্ষীয়ে প্ৰকাশ কৰে। বৃহস্পতি বাৰৰ পৰা এই অঞ্চলটোত অভিযান আৰম্ভ কৰিছিল ।
এক সূত্ৰয়ে প্ৰকাশ কৰা মতে সন্ত্ৰাসবাদী কেইজন জাইচ-ই-মহম্মদৰ সন্ত্ৰাসবাদী সংগঠনৰ । পুলোৱামা জিলাৰ পাঞ্জৰান অঞ্চলত নিৰাপত্তা ৰক্ষীয়ে বৃহস্পতি বাৰৰ পৰা এক অভিযান আৰম্ভ কৰিছিল । এই অঞ্চলত সন্ত্ৰাসবাদীয়ে বাহৰ পাতি থকাৰ সম্ভেদ লাভ কৰিয়ে এই অঞ্চলটোত অভিযান চলাইছিল নিৰাপত্তা ৰক্ষীয়ে । এই অভিযানত ৪ জন সন্ত্ৰাসবাদী নিহত হৈছে বুলি প্ৰকাশ কৰে ।
সন্ত্ৰাসবাদীয়ে নিৰাপত্তা ৰক্ষীলৈ গুলীচালনা কৰাৰ পিছত নিৰাপত্তা ৰক্ষীয়ে ইয়াৰ প্ৰত্যুত্তৰ দিয়াত সন্ত্ৰাসবাদী কেইজন নিহত হয় ।
সন্ত্ৰাসবাদী কেইটাৰ পৰিচয় বৰ্তমানলৈকে জানিব পৰা হোৱা নাই ।
অন্য খবৰৰ বাবে পঢ়ক :ব্ৰেকিং নিউজ
