অসম বিধান সভাত শুক্ৰবাৰে শাসনাধিষ্ঠ আৰু বিৰোধী দুয়োটা দলেই সৰ্বভাৰতীয় কাৰিকৰী শিক্ষা পৰিষদৰ দ্বাৰা গোলাঘাট অভিযান্ত্ৰিক মহাবিদ্যালয়খনৰ স্বীকৃতি বাতিল কৰাৰ সন্দৰ্ভত, মহাবিদ্যালয়খনৰ ভৱিষ্যতৰ ক্ষেত্ৰত এক অনিশ্চয়তা প্ৰদান কৰে ৷ বিধানসভাৰ গ্ৰীষ্ম কালীন অধিবেশনত এই বিষয়টো উত্থাপন কৰি গোলাঘাটৰ কংগ্ৰেছৰ বিধায়ক অজন্তা নেওগে সদনক জনায় যে গোলাঘাট অভিযান্ত্ৰিক মহাবিদ্যালয়খন আছিল গোলাঘাট বাসীৰ কাৰণে এটি সপোন ৷
কাৰণ কোনো উচ্চ শিক্ষাৰ প্ৰতিষ্ঠান নথকা গোলাঘাট অভিযান্ত্ৰিক মহাবিদ্যালয়খনে লোকসকলক সকাহ দিছিল ৷ লগতে অজন্তা নেওগে কয় যে মহাবিদ্যালয়খনৰ প্ৰাথমিক কাম আৰম্ভ হৈছিল ২০১১ চনত আৰু ২০১৯ চনৰ ৫ ফেব্ৰুৱাৰীত এই মহাবিদ্যালয়খন উদঘাটন কৰিছিল মুখ্যমন্ত্ৰী সৰ্বানন্দ সোনোৱালে। মই ব্যক্তিগত ভাৱে উদঘাটন অনুষ্ঠানত উপস্থিত আছিলো ৷কিন্তু যেতিয়া চলিত বৰ্ষত গোলাঘাট অভিযান্ত্ৰিক মহাবিদ্যালয়ৰ মান্যতা খাৰিজ কৰাৰ তথ্যই গোলাঘাটবাসীক ক্ৰোধিত কৰাৰ লগতে নিৰাশ কৰিছে ৷
ইফালে কংগ্ৰেছৰ বিধায়ক অজন্তা নেওগে এই সমগ্ৰ ঘটানাটোৰ কাৰণে ৰাজ্যৰ শিক্ষা বিভাগটোক দোষী সাব্যস্ত কৰে ৷কাৰণ সৰ্ব ভাৰতীয় কাৰিকৰী শিক্ষা পৰিষদে মহাবিদ্যালয়খনৰ স্বীকৃতি দিবলৈ অস্বীকাৰ কৰিলে ৷ কাৰণ তেওঁলোকে এআইচিটিইয়ে দিয়া ১৭ টা চৰ্তক পূৰণ কৰিব নোৱাৰিলে ৷আনহাতে নিয়োগে ব্যক্তিগতভাৱে শিক্ষামন্ত্ৰী সিদ্ধাৰ্থ ভট্টাচাৰ্যক সাক্ষাৎ কৰে আৰু এই বিষয়টোক শীঘ্ৰে সমাধান কৰাৰ কাৰণে আহ্বান কৰে ৷যাতে মহাবিদ্যালয়খনৰ ছাত্ৰ ছাত্ৰীৰ শৈক্ষিক জীৱনত প্ৰভাৱ নপৰে ৷
শিক্ষা মন্ত্ৰী ভট্টিচাৰ্যই এই সমগ্ৰ বিষয়ৰ সন্দৰ্ভত মন্তব্য কৰি সদনত কয় যে শিক্ষামন্ত্ৰী ভট্টাচাৰ্য নিজেই আচৰিত হৈ পৰিছিল, যেতিয়া এআইচিটিইয়ে মহাবিদ্যালয়খনক স্বীকৃতি দিবলৈ অস্বীকাৰ কৰিছিল ৷ অৱশ্যে মন্ত্ৰী ভট্টাচাৰ্যই স্বীকাৰ কৰে যে লোকসভা আৰু পঞ্চায়ত নিৰ্বাচনৰ কাৰণে বিভিন্ন স্থায়ী আৰু নিয়মীয়াপদসমূহ পূৰণ কৰাত বাধা আহি পৰিছিল ৷
ইফালে যেতিয়া এআইচিটিইয়ে মহাবিদ্যালয়খনৰ স্বীকৃতি অস্বীকাৰ কৰিছিল তেতিয়া মহাবিদ্যালয়ত অস্থায়ী অধ্যক্ষ আছিল ৷আনহাতে ৩৫ টা অধ্যাপক পদকে ধৰি মুঠ ৬০ পদত নিযুক্তিৰ দিহা কৰাৰ কথা উল্লেখ কৰে ৷অৱশ্যে স্থায়ী পদত নিযুক্তি ন’হলেও অস্থায়ী পদত নিযুক্ত হৈ থকা শিক্ষক অধ্যাপকৰ জৰিয়তে পাঠ্যক্ৰম সুন্দৰকৈ আগবঢ়াই নিয়া হ’ব বুলি উল্লেখ কৰে শিক্ষামন্ত্ৰী সিদ্ধাৰ্থ ভট্টাচাৰ্যই ৷
মহাবিদ্যালয়খনে সম্প্ৰতি মেকানিকেল ইঞ্জিনিয়াৰিং,চিভিল ইঞ্জিনিয়াৰিং,কেমিকেল ইঞ্জিনিয়াৰিঙৰ তিনিটা শাখাত চাৰি বৰ্ষৰ স্নাতকৰ পাঠ্যক্ৰম প্ৰদান কৰিছে ৷ ছাত্ৰ ছাত্ৰীসকল ২০১৮ চনৰ আগষ্ট মাহত প্ৰথম শিক্ষা বৰ্ষ আৰম্ভ কৰিছিল ৷ অন্যহাতে গোলাঘাট অভিযান্ত্ৰিক মহাবিদ্যালয়ৰ স্বীকৃতি বাতিলৰ ক্ষেত্ৰত অন্যান্য দল সংগঠনৰ লগতে সদৌ অসম ছাত্ৰ সন্থাই প্ৰতিক্ৰিয়া প্ৰকাশ কৰিছে ৷ এই ক্ষেত্ৰত সদৌ অসম ছাত্ৰ সন্থাই কয় যে গোলাঘাট অভিযান্ত্ৰিক মহাবিদ্যালয়ৰ শৈক্ষিক কেৰিয়াৰ সুৰক্ষিত কৰাৰ কাৰণে অনতি পলমে সিদ্ধান্ত গ্ৰহণ কৰিব লাগে ৷
অধিক খবৰৰ বাবে পঢ়ক: গোলাঘাট অভিযান্ত্ৰিক মহাবিদ্যালয়ৰ ক্ষেত্ৰত সদৌ অসম ছাত্ৰ সন্থাৰ প্ৰতিক্ৰিয়া