বদৰউদ্দিন আজমলে নৰেন্দ্ৰ মোদীক অভিনন্দন জ্ঞাপন কৰি অসমৰ মুল সমস্যা সমূহৰ বিষয় উল্লেখ কৰে
এ আই ইউ ডি এফ প্ৰধান বদৰউদ্দিন আজমলে প্ৰধানমন্ত্ৰী নৰেন্দ্ৰ মোদীক দ্বিতীয়টো কাৰ্যকালৰ বাবে অভিনন্দন জ্ঞাপন কৰাৰ লগতে অসমৰ জলন্ত সমস্যা সমূহ কথাও প্ৰধানমন্ত্ৰীৰ আগত উল্লেখ কৰে ।
প্ৰধানমন্ত্ৰী নৰেন্দ্ৰ মোদীলৈ প্ৰেৰণ কৰা পত্ৰ খনত অসমৰ মুল সমস্যা সমূহৰ ভিতৰত বিশেষকৈ বিদেশী চিনাক্তকৰণ আৰু প্ৰত্যাবৰ্তন কৰাৰ লগতে ভাৰত-বাংলাদেশ সীমান্ত ছিল কৰাৰ ক্ষেত্ৰত ব্যবস্থা গ্ৰহণ কৰিবলৈ আহ্বান জনাই ।
অসমৰ বানপানী আৰু গৰাখহনীয়াৰ ফলত হোৱা দুৰ্যোগৰ এটা স্থায়ী সমাধানৰ বাবে প্ৰধানমন্ত্ৰী নৰেন্দ্ৰ মোদীক আহ্বান জনাই । লগতে কাছাৰ আৰু নগাঁও কাগজ কল বন্ধ হৈ পৰাৰ ফলত বহুতো নিবনুৱা সমস্যাৰ উদ্ভৱ হৈছে । সেয়েহে কাছাৰ আৰু নগাঁওৰ কাগজ কল পুনৰুজ্জীৱন কৰিবলৈ আহ্বান জনাই ।
বৃহস্পতি বাৰে নৰেন্দ্ৰ মোদীয়ে প্ৰধানমন্ত্ৰী হিচাপে শপত গ্ৰহণ কৰে । নৰেন্দ্ৰ মোদীৰ লগতে কেবিনেট মন্ত্ৰীয়ে শপত গ্ৰহণ কৰে । অসমৰ সমস্যা সমূহৰ কথা উল্লেখ কৰাৰ লগতে অভিনন্দন জ্ঞাপন কৰি এ আই ইউ ডি এফ প্ৰধান বদৰউদ্দিন আজমলে পত্ৰ প্ৰেৰণ কৰে ।
অধিক খবৰৰ বাবে পঢ়ক : ৰাজ্যিক বাতৰি
