বন্য হস্তীৰ উপদ্ৰৱত ক্ষুব্ধ হৈ বিহগুৰিত পথ অৱৰোধ কাৰ্যসূচী ৰূপায়ন
বন্য হস্তীৰ উপদ্ৰৱত ক্ষুব্ধ হৈ বিহগুৰিত পথ অৱৰোধ কাৰ্যসূচী ৰূপায়ন।শনিবাৰে শোণিতপুৰৰ বৰছলা সমষ্টিৰ অন্তৰ্গত বিহগুৰি অঞ্চলত প্ৰায় শ শ লোকে বন বিভাগৰ বিৰুদ্ধে ওলাই আহি ১৫ নং ৰাষ্ট্ৰীয় ঘাইপথ অৱৰোধ কৰি প্ৰতিবাদী কাৰ্যসূচী গঢ়ি তোলে । বিহগুৰি অঞ্চলৰ সহস্ৰাধিক পুৰুষ মহিলাই দিনৰ ১১ বজাৰ পৰা ২ বজালৈ হাতত বেনাৰ লৈ ১৫ নং ৰাষ্ট্ৰীয় ঘাইপথ অৱৰোধ কৰে ।
প্ৰতিবাদী দলটোৱে চৰকাৰ আৰু বিভাগৰ বিৰুদ্ধে বিভিন্ন শ্ল'গানেৰে প্ৰতিবাদ কাৰ্যসূচী উত্তাল কৰি তোলে । লগতে দলটোৱে গাওঁত বনৰীয়া হাতীৰ ফলত হোৱা শংকা অনতিপলমে ৰোধ কৰাৰ দাৱী কৰে ।
অঞ্চলটোৰ লোক সকলে বিগত বহু কেইমাহ ধৰি বনৰীয়া হাতীয়ে পৰিভ্ৰমণ কৰাৰ ফলত উজাগৰি নিশা কটাবলগীয়া হৈছে । বনৰীয়া হাতীয়ে অঞ্চলটোৰ খেতি পথাৰ ঘৰ দুৱাৰ আদি ভাঙি তহিলং কৰে ।
শুকুৰবাৰে নিশা প্ৰায় ৮০/৯০ টা বনৰীয়া হাতীয়ে বৰছলা সমষ্টিৰ অন্তৰ্গত অঞ্চলটোত খাদ্যৰ সন্ধানত পৰিভ্ৰমণ কৰে। হাতীৰ জাকটোৱে মোৱামাৰি , বিহগুৰি , বাহবাৰী , ডিপোটা আদি অঞ্চলৰ ঘৰ দুৱাৰৰ লগতে খেতি পথাৰ আদিও তহিলং কৰে। যাৰ ফলত অঞ্চলবাসীৰ ওপৰত আতংকময় পৰিৱেশৰ সৃষ্টি হৈছে ।
বিগত কেইবা বছৰ ধৰি বনৰীয়া হাতীয়ে জনাঞ্চলত প্ৰৱেশ কৰি অঞ্চলটোৰ ৰাইজৰ যথেষ্ট ক্ষতিসাধন কৰি আহিছে। পোনাই ৰূপাই অভয়াৰণ্য , নামেৰি ৰাষ্ট্ৰীয় উদ্যান, কাজিৰঙা ৰাষ্ট্ৰীয় উদ্যান অঞ্চলৰ লোক সকলৰ বনৰীয়া হাতীৰ ফলত ক্ষতি সাধন হয় । তদুপৰি সময়মতে বনবিভাগে গাওঁৱাসীক সহায় কৰিব নোৱাৰাৰ দাবীও উত্থাপন কৰে প্ৰতিবাদী দলটোৱে ।
পোনাই ৰূপাই আদি অঞ্চলত ব্যাপক হাৰত হোৱা বে দখলৰ বাবেই হাতীৰ আশ্ৰয়স্থল নোহোৱা হৈছে । যাৰ ফলত আশ্ৰয় আৰু খাদ্যৰ অভাৱত বনৰীয়া হাতী জাক জনবসতিপূৰ্ণ অঞ্চললৈ ওলাই আহি উপদ্ৰৱ চলাই । ফলত দিনক দিনে বৃদ্ধি পাইছে হাতী মানুহৰ সংঘাত ।
প্ৰতিবাদী দলটোৱে হাতীৰ উপদ্ৰৱৰ পৰা ৰাইজক সুৰক্ষা দিয়াৰ দাৱী জনায় বন বিভাগক ।
অন্য খবৰৰ বাবে পঢ়ক: আছাম প্ৰেছ কৰছপণ্ডেন্টছ ইউনিয়নে পালন কৰিলে ৰাষ্ট্ৰীয় প্ৰেছ দিৱস
ভিডিঅ প্ৰতক্ষ্য কৰক: Govt all set to push for the contentious Citizenship Bill in the winter session of Parliament
