Top
Begin typing your search above and press return to search.

মাজুলী গৰাখহনীয়া: ৰিপোৰ্ট জমা দিবলৈ নিৰ্দেশ ব্ৰহ্মপুত্ৰ বৰ্ডৰ

মাজুলী গৰাখহনীয়া: ৰিপোৰ্ট জমা দিবলৈ নিৰ্দেশ ব্ৰহ্মপুত্ৰ বৰ্ডৰ

Sentinel Digital DeskBy : Sentinel Digital Desk

  |  9 May 2019 7:33 AM GMT

মাজুলীৰ জিলা উপায়ুক্তয়ে গুৰুখুটি অঞ্চলৰ ভকত চাপৰিত পৰিদৰ্শন কৰি প্ৰতক্ষ্য কৰে যে মাজুলীৰ গৰাখহনীয়া অঞ্চল সংৰক্ষণৰ বাবে আবন্টিত ধন অপব্যৱহাৰ কৰা হৈছে । ৭ মেত ব্ৰহ্মপুত্ৰ বৰ্ডৰ সহকাৰী অভিযন্তাক MDC/PA/2016/vol-l নম্বৰ পত্ৰ প্ৰেৰণ কৰাৰ পিছত জিলা উপায়ুক্তক ব্যবস্থা গ্ৰহণ কৰি ৩ দিনৰ ভিতৰত ৰিপোৰ্ট জমা দিবলৈ নিৰ্দেশ দিয়ে ।

মাজুলীৰ জিলা উপায়ুক্তয়ে পত্ৰ খনত লগতে প্ৰকাশ কৰে যে ভৰ্তি বালিৰ বেগৰ পৰিবৰ্তে খালী বেগ ব্যৱহাৰ কৰা হৈছে নদী বান্ধত । লগতে নিৰ্মাণ কাৰ্যত ভ্ৰষ্টাচাৰ আৰু চৰকাৰী ধনৰ অপব্যৱহাৰ কৰিছে বুলি প্ৰকাশ কৰে । লগতে প্ৰকাশ কৰে যে গৰাখহনীয়া ৰোধৰ কামত সঠিক পৰ্যবেক্ষনৰ অভাৱ হোৱাৰ পৰিপ্ৰেক্ষিতত নদীদ্বীপৰ লোকসকলৈ ভাবুকি কঢ়িয়াই আনিছে ।

বুধবাৰে মাজুলীত আছুয়ে এই সম্পৰ্কত প্ৰতিবাদী কাৰ্যসূচী ৰূপায়ণ কৰি, জিলা উপায়ুক্তলৈ এক স্মাৰক পত্ৰ প্ৰেৰণ কৰে আৰু বিষয়টোৰ ওপৰত অনুসন্ধান কৰিবলৈ নিৰ্দেশ দিয়ে । স্মাৰক পত্ৰ খন জিলা প্ৰশাসনৰ যোগেদি মুখ্যমন্ত্ৰীলৈ প্ৰেৰণ কৰে আছুয়ে ।

ব্ৰক্ষপুত্ৰ বৰ্ডৰ অধিনত মাজুলীত গৰাখহনীয়া ৰোধৰ বাবে ১৯৪ কোটি টকীয়া প্ৰকল্পৰ কাম চলি আছে । এই প্ৰকল্পটো কেন্দ্ৰীয় চৰকাৰৰ আচনিৰ অধিনত । ২০১৭ চনৰ ডিচেম্বৰ মাহত মুখ্যমন্ত্ৰী সৰ্বানন্দ সোনোৱালৰ উপস্থিতিত কেন্দ্ৰীয় মন্ত্ৰী নিতিন গাডকাৰীয়ে এই প্ৰকল্পটো উদ্বোধন কৰিছিল। এই প্ৰকল্পটো অৰুণাচল প্ৰদেশ ভিত্তিক কেটি ইঞ্জিনিয়াৰিং কোম্পানীয়ে লাভ কৰে ।

আঁচনি খন কেন্দ্ৰীয় চৰকাৰে ২০১৭ চনৰ মাৰ্চ মাহত অনুমোদন জনাইছিল। ডনাৰ মন্ত্ৰালয়ে আচনি খনৰ মূলধন ব্যয় কৰিছে ।

অন্য খবৰৰ বাবে পঢ়ক : ৰাজ্যিক বাতৰি

Next Story