আজি বিশ্ব পৰিবেশ দিৱস । বিশ্ব পৰিবেশ দিৱসৰ লগত সংগতি ৰাখি সমগ্ৰ বিশ্বৰ লগতে ৰাজ্যবাসীয়ে বিভিন্ন কাৰ্যসূচী গ্ৰহণ কৰে।
বিশ্ব পৰিবেশ দিৱসৰ লগত সংগতি ৰাখি বাইহাতা চাৰিআলিৰ দিল্লী পাব্লিক স্কুলৰ শিক্ষক আৰু ছাত্ৰ-ছাত্ৰী সকলে ৰঙিয়াত ৰেলীৰ আয়োজন কৰিছে । কামৰূপ জিলাৰ আন আন ৪ টা স্থানতো পৰিবেশ দিৱস উৎযাপন কৰে। ৰঙিয়া, নলবাৰী, গোৰেশ্বৰ আৰু মংগলদৈ মংগলবাৰে ৰঙীন প্লে কাৰ্ড লৈ ৰেলীত অংশগ্ৰহণ কৰে বিদ্যালয়ৰ ছাত্ৰ-ছাত্ৰী সকলে । লগতে পৰিবেশ সুৰক্ষা ক্ষেত্ৰত বিভিন্ন শ্লোগান দিয়ে ।
সুস্থ আৰু সুৰক্ষিত পৰিবেশৰ বাবে জনসাধাৰণৰ মাজত সজাগতা সৃষ্টিৰ বাবে এই ৰেলী উলিয়াওৱা হয় । প্ৰথমতে শিক্ষক আৰু ছাত্ৰ ছাত্ৰী সকলে পৰিবেশ সুৰক্ষাৰ বাবে বিদ্যালয়ৰ প্ৰাংগনত অনুষ্ঠানৰ আয়োজন কৰে ।
কামৰূপ দিল্লী পাব্লিক স্কুলৰ অধক্ষ্য সংগীতা বৰায়ে কয় যে পৰিবেশ সুৰক্ষা কৰাৰ লগতে এটা উন্নত ভৱিষ্যতৰ বাবে এই পদক্ষেপ গ্ৰহণ কৰা হৈছে । এই অনুষ্ঠানত বিদ্যালয়ৰ প্ৰাংগনত গছ পুলি ৰোপণৰ কাৰ্যসুচী গ্ৰহণ কৰা হয় ।
অন্য খবৰৰ বাবে পঢ়ক : ৰাজ্যিক বাতৰি