অসমৰ হস্ততাঁত শিল্প পদৰ্শনৰে এফ এন ডি চিৰ ফেছন শ্ব"
ভাৰতৰ উত্তৰ-পূৰ্বাঞ্চল ফেছন আৰু ডিজাইন পৰিষদে অসমৰ হস্ততাঁত শিপিনী সকলে প্ৰস্তুত কৰি উলিওৱা পোছাক পদৰ্শনৰে এক ফেছন শ্ব আয়োজন কৰিছিল। অসম তথা উত্তৰ-পূৰ্বাঞ্চলৰ পৰম্পৰাগত সাজ পাৰ বিশ্বৰ দৰবাৰত প্ৰতিষ্ঠা কৰিবলৈ এই পদক্ষেপ আয়োজন কৰে বুলি প্ৰকাশ কৰে। উত্তৰ পূৰ্বাঞ্চলৰ বিভিন্ন সাজ পাৰ পৰিধান কৰা পৰিলক্ষিত হয় মডেল কেইগৰাকীক । উল্লেখযোগ্য যে, এই অনুষ্ঠানটোৱে যোৱা কেইবা বছৰ ধৰি আমেৰিকা, মধ্য পূৰ্বাঞ্চলৰ লগতে বিভিন্ন প্ৰান্তত "লেকমি ফেছন উইক" ত বিশ্বৰ দৰবাৰত অসম তথা উত্তৰ-পূৰ্বাঞ্চলৰ পৰম্পৰাগত সাজ-পাৰ পদৰ্শন কৰিবলৈ সক্ষম হৈছিল । ইয়াৰ পৰিপ্ৰেক্ষিতত আন্তঃৰাষ্ট্ৰীয় বজাৰত অসম তথা উত্তৰ-পূৰ্বাঞ্চলৰ পৰম্পৰাগত সাজ-পাৰ , এৰি -মুগা-পাট আদিয়ে যথেষ্ট সমাদৰ লাভ কৰিছে ।
চলিত বৰ্ষত , "হস্ততাঁত উইক"ত ৬ গৰাকী ডিজাইনৰে অসমৰ থলুৱা সামগ্ৰী আৰু থলুৱা ডিজাইন পদৰ্শনৰে আয়োজন কৰা হৈছিল । ৬ গৰাকী ডিজাইনৰ নাম হৈছে অনুৰাধা কুলি, অংকিতা চৌধৰী মহন্ত, নাছিফা মেহযাবিন, পুজা খেমকা, চিন্ময় পুজাৰী আৰু ভৱনা প্ৰিয়া কলিতাই অংশগ্ৰহন কৰে । তেওঁলোকে ডিজাইন কৰা থলুৱা পোছাক পৰিহিত কৰে ফেছন শ্বত । অসম আৰু উত্তৰ-পূৰ্বাঞ্চলৰ হস্ততাঁত উদ্যোগে ইয়াৰ ইতিবাচক দিশ সমূহ আলোচনা কৰে ।
অসম চৰকাৰৰ হস্ততাঁত -বস্ত্ৰশিল্পৰ মুখ্য পৰিচালক এ চি এচ কবিতা ডেকা, প্ৰাক্তন আই এ এচ স্বপ্ননীল বৰুৱা , হস্ততাঁত ডিজাইনাৰ তাৰকা অংকিতা ডেকা, অঞ্জু বুঢ়াগোহাঁই আৰু কৌশিকক সম্বৰ্ধনা জনোৱা হয়। কবিতা ডেকায়ে যিসকলে উদীয়মান ডিজাইনাৰে অসমৰ থলুৱা হস্ততাঁত-বস্ত্ৰ আদি বিশ্ব দৰবাৰত প্ৰতিষ্ঠাৰ বাবে প্ৰচেষ্টা চলাই আহিছে তেওঁলোকক প্ৰসংশা কৰে ।
এফ এন ডি চি প্ৰতিস্থাপক আৰু অধক্ষ্য মেধা শইকীয়ায়ে এই অনুষ্ঠানলৈ সকলোক আদৰনি জনাই। উপস্থিত থকা সংবাদকৰ্মী, ডিজাইনাৰ সকল, মডেল সকলোকে ধন্যবাদ জ্ঞাপন কৰে । লগতে অসমৰ হস্ততাঁত-বস্ত্ৰ শিল্পৰ উন্নয়নৰ বাবে পদক্ষেপ গ্ৰহণ কৰিবলৈ চৰকাৰক আহ্বান জনাই।
আন্তঃৰাষ্ট্ৰীয় বজাৰত অসম তথা উত্তৰ-পূৰ্বাঞ্চলৰ পৰম্পৰাগত সাজ-পাৰ , এৰি -মুগা-পাট প্ৰতিস্থা কৰিবলৈ এই বিশেষ পদক্ষেপ লোৱা হৈছে । ইতিমধ্য়ে আন্তঃৰাষ্ট্ৰীয় বজাৰত অসম তথা উত্তৰ-পূৰ্বাঞ্চলৰ পৰম্পৰাগত সাজ-পাৰ , এৰি -মুগা-পাট আদিয়ে যথেষ্ট সমাদৰ লাভ কৰিছে । ৬ গৰাকী ডিজাইনৰে অসমৰ থলুৱা সামগ্ৰী আৰু থলুৱা ডিজাইন পদৰ্শনৰে আয়োজন কৰা হৈছিল "হস্ততাঁত উইক"।
অন্য খবৰৰ বাবে পঢ়ক : ৰাজ্যিক হস্ততাঁত আৰু বস্ত্ৰশিল্প প্ৰায় মৃতপ্ৰায় অবস্থালৈ গতি কৰিছে
