উত্তৰ পূৰ্বাঞ্চল ৮০ টা কেন্দ্ৰীয় সুৰক্ষিত স্মৃতি আৰু স্থান সংৰক্ষণ আৰু পৰিবেশ বিকাশৰ ক্ষেত্ৰত ভাৰতীয় প্রত্নতাত্ত্বিক জৰীপয়ে পৰ্যবেক্ষন কৰি আছে। অসমৰ ৫৫ টা ঐতিহাসিক স্থান , ৮ মেঘালয় আৰু ত্ৰিপুৰাৰ ৮ টা স্থান , নাগালেণ্ডৰ ৪ টা স্থান , অৰুনাচল প্ৰদেশৰ ৩ টা স্থান আৰু মিজোৰাম , মনিপুৰৰ এটাকৈ স্থান এই পৰ্যবেক্ষনৰ অন্তৰ্গত । এই ঐতিহাসিক স্থান সমূহ পৰ্যটনৰ স্থান হিচাপে গঢ়ি তুলিবলৈ বিভিন্ন পদক্ষেপ গ্ৰহণ কৰা পৰিলক্ষিত হৈছে ।
অসমৰ শিৱসাগৰত আহোম স্বৰ্গদেউৰ দিনীয়া ভাস্কয্য আৰু চিত্ৰশিল্প সমূহ সংৰক্ষণ, বামুনী পাহাৰৰ মন্দিৰৰ ভগ্নাংশ, অসমৰ শোণিতপুৰ জিলাৰ শিংগ্ৰি পাহাৰ আৰু দা -পৰ্বত্য পাহাৰৰ লগতে ডিমাপুৰ, নাগালেণ্ডৰ বিভিন্ন মঠ , মন্দিৰ , দুৰ্গ আৰু বুদ্ধ ধৰ্মৰ কীৰ্তিচিহ্ন সমূহ , শিলত খোদিত ভাস্কয্য সমূহ আৰু ত্ৰিপুৰাৰ মন্দিৰ সমুহ এই পৰ্যবেক্ষনত অন্তৰ্গত কৰা হৈছে ।
গুৱাহাটীৰ বিভিন্ন স্থানতকে ধৰি অসমৰ ৫৫ টা স্থান আৰু মনিপুৰৰ ১ টা স্থান গুৱাহাটী চক্ৰয়ে পৰ্যবেক্ষক কৰিছে ।
গুৱাহাটীৰ চক্ৰৰ অধিনত এই ঐতিহাসিক স্থান সমূহৰ সংৰক্ষণ আৰু পৰিবেশ উন্নয়নৰ বাবে ২০১৬-১৭ চনত কেন্দ্ৰয়ে ২.৬২ কোটি অনুমোদন দিছিল । আনহাতে ২০১৭-১৮ চনত ৩.৭৭ কোটি টকা মুকলি কৰি দিছিল, ২০১৮-১৯ চনত ৩.১৫ কোটি মুকলি কৰি দিছিল । বৰ্তমানলৈকে ২০১৯-২০ চনত অনুমোদন দিয়া নাই বুলি সূত্ৰয়ে প্ৰকাশ কৰিছে।
বিভাগীয় কতৃপক্ষয়ে প্ৰকাশ কৰে যে, এই সকলো ঐতিহাসিক স্থানতে সাম্ভাব্য আছে । কিন্তু পৰ্যাপ্ত ধনৰ অভাৱত এই স্থান সমূহৰ বহুতো উন্নয়ন মুলক প্ৰকল্প কাম কৰিব পৰা নাই । বহুতো এনে ঐতিহাসিক স্থান সমূহলৈ যোগাযোগ ব্যৱস্থা সুচল নহয় ।
বিষয়া গৰাকীয়ে লগতে প্ৰকাশ কৰে যে, গুৱাহাটী চক্ৰৰ অধিনত ৫৬ টা স্থান ধৰা হৈছে । এই স্থান সমূহ পৰ্যটক স্থলীৰ সাম্ভাব্য থকা ।
উল্লেখযোগ্য যে, ২০১৬ চনৰ পৰা ২০১৯ চনলৈকে বিগত তিনিটা বছৰত , আহোম স্বৰ্গদেউৰ দিনত শিৱসাগৰত প্ৰতিস্থা কৰা কীৰ্তিচিহ্ন সমূহ দেশ তথা সমগ্ৰ বিশ্বতে পৰ্যটন স্থলী হিচাপে প্ৰতিষ্ঠা কৰিবলৈ সক্ষম হৈছে ।
শিৱসাগৰ জিলাৰ মুখ্য চাৰিটা ঐতিহাসিক স্থানৰ পৰা চৰকাৰে বছৰটোৰ অক্টোবৰৰ পৰা মে মাহলৈকে ৰাজহ সংগ্ৰহ কৰিছিল এনেধৰণৰ- ২০১৬-২০১৯ চনত কাৰেং ঘৰ ভ্ৰমণ কৰা ৪,৭২,৬৬৯ পৰ্যটকৰ পৰা ৮৩,৯০,৪৫৫ টকা সংগ্ৰহ কৰে । আনহাতে ৰং ঘৰলৈ যোৱা ৩,৫৯,১৪৩ পৰ্যটকৰ পৰা ৬৬,৫৬,০৯৫ টকা সংগ্ৰহ কৰিবলৈ সক্ষম হৈছে । গৰগাঁওৰ আহোম স্বৰ্গদেউৰ ৰাজ কাৰেং লৈ যোৱা ২,০৬,২৬৯ পৰ্যটকৰ পৰা ৩৬, ০৪, ৮৫০ সংগ্ৰহ কৰে । চৰাইদেউ মৈদাম ভ্ৰমণ কৰা ১,২৬, ০২১ পৰ্যটকৰ পৰা ২১, ৭৫,০৯৫ সংগ্ৰহ কৰে আনহাতে বিষ্ণু দৌললৈ ৩৮,৭৯৪ পৰ্যটকৰ পৰা ৬,৭৯,৩৮৫ সংগ্ৰহ কৰে।
অন্য খবৰৰ বাবে পঢ়ক : অস্তিত্ব ৰক্ষাৰ সংকটত লক্ষীমপুৰ জিলাৰ ঐতিহাসিক ঘূনাসূতি
