Top
Begin typing your search above and press return to search.

অসম চুক্তিৰ ৬নং দফা: উচ্চ স্তৰীয় সমিতিৰ বৈঠক

অসম চুক্তিৰ ৬নং দফা: উচ্চ স্তৰীয় সমিতিৰ বৈঠক

Sentinel Digital DeskBy : Sentinel Digital Desk

  |  19 Aug 2019 8:47 AM GMT

অসম চুক্তি ৬ নং দফা কাৰ্যকৰীকৰণৰ সন্দৰ্ভত কেন্দ্ৰীয় চৰকাৰে গঠন কৰি দিয়া উচ্চ পৰ্যায়ৰ কমিটীয়ে একেৰাহে দেওবাৰে গুৱাহাটীত আলোচনাত মিলিত হৈ কিছুমান গুৰুত্বপূৰ্ণ সিদ্ধান্ত গ্ৰহণ কৰে ৷এই সিদ্ধান্তত খানাপাৰাত অসম প্ৰশাসনিক পদাধিকাৰ মহাবিদ্যালয়ত আয়োজিত উচ্চ স্তৰীয় সমিতিৰ বৈঠকত দেওবাৰে এই গুৰুত্বপূৰ্ণ সিদ্ধান্ত লোৱা হয় ৷

সমিতিয়ে তিনিটি বিভিন্ন উপায়েৰে জনসাধাৰণৰ মতামত একত্ৰিত কৰিব। সমিতিৰ লোকসকলে বিভিন্ন লোক আৰু সংগঠনৰ পৰা লিখিত প্ৰস্তুতি বিচাৰিব ৷ লগতে সমিতিয়ে বিভিন্ন ধৰণৰ আলোচনা কৰিব ৷ ইয়াৰ বিপৰীতে নাগৰিক আৰু প্ৰতিনিধি আৰু বিভিন্ন সংগঠনৰ নেতাই এই বিষয়ৰ সন্দৰ্ভত মন্তব্য আৰু উপদেশ দিব পাৰে ।লগতে উচ্চ স্তৰীয় কমিটীৰ সদস্যই বিভিন্ন ক্ষেত্ৰত নাগৰিক আৰু বিশেষজ্ঞসকলক ব্যক্তিগত ৰূপত সাক্ষাৎ কৰি বিচাৰ আৰু বিভিন্ন প্ৰসংগৰ বিষয়ে আলোচনা কৰিব ।

দেওবাৰৰ বৈঠকত জনতাৰ মহামত একত্ৰিত কৰি আঁচনি তৈয়াৰ কৰিবৰ কাৰণে এখন ৰেডমেপ নিৰ্মাণ কৰিছে৷ সমিতি অনতি পলমে জনতাৰ কাৰণে বিভিন্ন সংবাদ পত্ৰ আৰু সংবাদ মাধ্যমত নিজৰ আঁচনিৰ বিষয়ে বিজ্ঞাপন প্ৰকাশ কৰিব। আনহাতে ২ আগষ্টত গৃহ মন্ত্ৰ্যালয়ৰ অনুমোদনৰ কাৰণে কিছুমান প্ৰস্তাৱ দিয়া হ’ব ৷

ঐতিহাসিক অসম চুক্তিৰ ৬ নং দফাত আছে অসমীয়া লোকসকলৰ সামাজিক,সাংস্কৃতিক,ভাষা, সুৰক্ষা,সংৰক্ষণ,সাংবিধানিক,প্ৰশাসনিক আদি দিশবোৰ সুৰক্ষিত কৰাৰ প্ৰসংগ৷ অসম চুক্তিৰ ৬ নং দফাৰ বাস্তৱায়িত কৰাৰ কাৰণে ১৯৮৫ চনৰ পিছৰ প্ৰভাৱশীলতা তদন্ত কৰিব ৷ সামাজিক সংগঠন,আইনী আৰু সাংবিধানিক বিশেষজ্ঞ,কলা,সংস্কৃতি আৰু সাহিত্য, আদি প্ৰতিষ্ঠিত ব্যক্তিৰ লগতে বিভিন্ন বিষয়াসকলৰ লগত আলোচনা কৰিব।

ইফালে সমিতিয়ে অসম চৰকাৰৰ সংস্থাপনৰ কাৰণে সংৰক্ষণৰ ব্যৱস্থা কৰিব । উল্লেখ্য যে উচ্চস্তৰীয় সমিতিৰ অধ্যক্ষতা কৰিছে ন্যায়ধীশ বিপ্লৱ কুমাৰ শৰ্মাই ৷ ন্যায়ধীশ বিপ্লৱ কুমাৰ শৰ্মা হৈছে গুৱাহাটী উচ্চ ন্যায়ালয়ৰ প্ৰাক্তন ন্যায়াধীশ । সমিতিৰ অনাগত বৈঠক অনুষ্ঠিত হ’ব ৬ ছেপ্তেম্বৰত ৷

অসম চুক্তিৰ ছয় নং দফা ৰূপায়ণৰ বাবে কেন্দ্ৰীয় চৰকাৰে গঠন কৰি দিয়া এই ১৩ জনীয়া সমিতিৰ প্ৰথম বৈঠকতে খিলঞ্জীয়াৰ সাংবিধানিক ৰক্ষা কৱচৰ সৈতে নিগম,নিকায়,বিধানসভা আৰু সংসদত অসমৰ খিলঞ্জীযাৰ বাবে আসন সংৰক্ষণ কৰা,ভূমি সংৰক্ষণ আৰু কেন্দ্ৰীয় চাকৰিতো অসমৰ খিলঞ্জীয়াৰ বাবে সংৰক্ষণৰ বিষয়টো সন্নিবিষ্ট কৰে ৷সংসদৰ ভৱনত বিয়লি ৬ বজাত কমিটীৰ সদস্যসকলৰ সৈতে হোৱা বৈঠকত অমিত শ্বাহে বিভাগীয় ৰাজ্যমন্ত্ৰী জি কিষাণ ৰেড্ডীৰ দৰেই অসম চুক্তিৰ ষষ্ঠ দফা ৰপায়নৰ বাবে কেন্দ্ৰৰ সকলো ধৰণৰ সহায় সহযোগিতা আগবঢ়োৱাৰ প্ৰতিশ্ৰুতি প্ৰদান কৰে ৷

দ্বিতীয় বৈঠকত অসম চুক্তি ৬ দফাৰ থলুৱাৰ ভূমি সংৰক্ষণ, সংসদত আসন সংৰক্ষণ, কেন্দ্ৰীয় চৰকাৰৰ চাকৰি, পি এচ ইউ এচ আৰু অসমীয়াৰ অন্যান্য ব্যক্তিগত সংস্থা, কমিটিৰ নতুন নীতি আৰু পৰামৰ্শ আদি আলোচনা কৰা হয় । ১৯৯৮ চনত কেন্দ্ৰৰ প্ৰাক্তন গৃহ সচিব জি কে পিল্লাইৰ নেতৃত্বত গঠন কৰা কমিটীয়ে এই ক্ষেত্ৰত ইতিমধ্যে এটা দিহা প্ৰদান কৰা হৈছে ৷

অন্য খবৰৰ বাবে পঢ়ক: অসম চুক্তি: ভূমি অধিকাৰ, সংসদৰ আসন সংৰক্ষণৰ সন্দৰ্ভত আলোচনা

ভিডিঅ প্ৰতক্ষ্য কৰক:Former CM Tarun Gogoi holds press conference in Guwahati

Next Story