আমি সকলোৱে একোচা সুস্থ আৰু চিকমিকাই থকা চুলি বিচাৰোঁ ৷কোৱা হয় যে চুলি সৰাৰ এটা ঋতু আছে ৷ অৰ্থাৎ শীতকালতকৈ গ্ৰীস্ম কালত চুলিৰ বহুত সমস্যাই দেখা দিয়ে ৷ কিন্তু কেৱল উত্তম চেম্পু লগাই থাকিলেও চুলিৰ নিউট্ৰিশ্যন সীমিত হোৱাৰ কাৰণে চুলিৰ বিভিন্ন সমস্যাই দেখা দিয়ে ৷যাৰ বিষয়ে আমি ভালকৈ মন নকৰোঁ ৷যদি আপুনিও এই অসুবিধা সমূহত ভূগি আছে তেন্তে ডক্ট’ৰ অথবা পাৰ্লাৰত গৈ বহু টকা খৰচ কৰি ট্টিটমেন্ট লোৱাৰ প্ৰাকমুহুৰ্তত এবাৰ ঘৰতে তৈয়াৰ কৰা মাস্ক ব্যৱহাৰ কৰিব পাৰে ৷ যিয়ে আপোনাৰ চুলিক গুৰিৰ পৰা শক্তিশালী কৰাৰ লগতে চুলিকোচা গুৰিৰ পৰা ঘন কৰিব ৷
কলৰ মাস্ক
কল আমাৰ স্বাস্থ্যৰ কাৰণে যথেষ্ট উপকাৰী ৷ সেয়া সকলোৰে জ্ঞাত ৷ কিন্তু কল আমাৰ চুলিৰ কাৰণেও অত্যন্ত উপকাৰী ৷ আপোনাৰ চুলি অনুসৰি এটা বা দুটা কল লৈ প্ৰথমতে ফেটি লওঁক ৷ ইয়াত অলপ মৌ অথবা নেমুৰ ৰস মিহলাই লওঁক ৷ আৰু চুলিৰ গুৰিৰ পৰা আগলৈকে লগাওঁক ৷ যি সকল যুৱতী,মহিলাৰ চুলি শুকান তেওঁলোকে চুলিত এই মাস্ক লগাব পাৰে ৷ এই মাস্ক লগোৱাৰ পিছত যেতিয়া শুকাব তেতিয়া চুলি খিনি উন্নত মানদণ্ডৰ চেম্পুৰে ধুই পেলাওক ৷
ভিনেগাৰ
ৰূক্ষ চুলিক পুনৰ চিকমিকনি আনিবলৈ ভিনেগাৰৰ ব্যৱহাৰ কৰিব পাৰে ৷ ইয়াৰ কাৰণে একাপ গৰম পানীত দুই চামুচ ভিনেগাৰ আৰু মৌ মিহলাব লাগে । আৰু ইয়াৰ পিছত আপুনি আপোনাৰ চুলিত এই উপকৰণ ব্যৱহাৰ কৰক ৷ আৰু ১৫-২০ মিনিট পিছত এই মাস্ক ধুই পেলাওঁক ৷আৰু ইয়াৰ পিছত ফলাফল আপুনি আপোনাৰ চুলিত নিজেই অনুভৱ কৰিব ৷
মেথী
মেথী আমি দালি অথবা ভাজিত দিবলৈ ব্যৱহাৰ কৰোঁ ৷কিন্তু মেথী খোৱাৰ উপৰিও চুলি সৰা হ্ৰাস কৰাটো যথেষ্ট গুৰুত্ব পূৰ্ণ ভূমিকা লয় ।মেথিক ৰাতিটো পানীত তিয়াই ৰাখিব লাগে । পুৱা ইয়াৰ পেষ্ট বনাই চুলিত লগাব লাগে ৷অতি কমেও প্ৰায় আধা ঘন্টা চুলিত লগাই ৰাখি ইয়াৰ পিচত ঠাণ্ডা পানীৰে ধুই দিব লাগে ৷ আৰু মেথি লগোৱাৰ ফলাত আপুনি লাভ কৰিব একোচা ঘন চিকমিকাই থকা চুলি ৷
বেচন,দৈ আৰু মৌৰ মাস্ক ৷
আপোনাৰ চুলি অনুযায়ী বেচন,দৈ আৰু মৌ লৈ চুলিত লগাওক ৷ এই মাস্ক এঘন্টা সময় ৰাখি পুনৰ চেম্পুৰে ধুই পেলাওঁক ৷
আমৰ সকলোৰে এটি প্ৰধান সমস্যা উফি ৷ উফিৰ পৰা পৰিত্ৰাণ পাবলৈ আমি বিভিন্ন ধৰণৰ চেম্পু ব্যৱহাৰ কৰোঁ ৷কিন্তু ফলাফলহে ইমান লাভ নকৰো ৷কিন্তু আপুনি উফিৰ পৰা পৰিত্ৰাণ পাবলৈ দৈ,ভিনেগাৰ আৰু মৌ মিহলাই এটি মাস্ক লগাব পাৰে ৷ দৈ ত থকা লেক্টিক এচিডে আমাৰ স্কাল্পৰ পৰা উফি আঁতৰাই চুলিক শক্তিশালী কৰে।
চুলিৰ কাৰণে ষ্ট’বেৰীও যথেষ্ট উপযোগী ৷ষ্ট’বেৰী তৈলাক্ত চুলিৰ কাৰণে অত্যন্ত উপযোগী ৷যিয়ে চুলিৰ পৰা ওলোৱা অতিৰিক্ত তেলক নিয়ন্ত্ৰণ কৰে ৷
অন্য খবৰৰ বাবে পঢ়ক: ঘৰতে থকা নিম গছজোপাৰ পৰা সৌন্দৰ্য্য চৰ্চা কৰক আপুনি