২১ এপ্ৰিলৰ পৰা কাৰ্যালয় পুনৰ মুকলিঃ দিছপুৰে কেনেদৰে সুনিশ্চিত কৰিব কৰ্মচাৰীৰ উপস্থিতি
২১ এপ্ৰিলৰ পৰা কাৰ্যালয় পুনৰ মুকলিঃ দিছপুৰে কেনেদৰে সুনিশ্চিত কৰিব কৰ্মচাৰীৰ উপস্থিতি ? ৰাজ্য চৰকাৰে অহা ২১ এপ্ৰিলৰ পৰা এক-তৃতীয়াংশ কৰ্মচাৰীৰ দ্বাৰা কাৰ্যালয় পৰিচালনা কৰিব । কিন্তু এই লকডাউনৰ সময়ত কৰ্মচাৰীসকল কাৰ্যালয়লৈ কেনেদৰে আহিব ? কাৰণ ৰঙিয়া , নলবাৰী আদি গুৱাহাটীৰ বাহিৰৰ স্থানসমূহত সচিবালয়ৰ বহু কৰ্মচাৰীয়ে বাস কৰে। গুৱাহাটীত অৱস্থিত মুখ্য কাৰ্যালয়ৰ লগত আন কাৰ্যালয়ৰ স্থিতি পৃথক নহয় ।
চৰকাৰী সূত্ৰ অনুসৰি সম্প্ৰতি ৰাজ্যৰ পৰিস্থিতি বহু উদ্বেগজনক । ৰাজ্যৰ সচিবালয়ৰ কৰ্মচাৰী যিসকল গুৱাহাটীৰ বাহিৰৰ পৰাই কাৰ্যলয় উপস্থিত হয় , চাকৰিৰ সেৱা বিধি নিয়ম অনুসৰি তেওঁলোকে গুৱাহাটী মুখ্য কাৰ্যালয়ত উপস্থিত থাকিব লাগিব । মুখ্য কাৰ্যালয়ৰ পৰা বাহিৰত থাকিব বাবে তেওঁলোকে সংশ্লিষ্ট কৰ্তৃত্বশীল বিষয়াৰ পৰা মুখ্য কাৰ্যালয়ৰ পৰা বাহিৰলৈ যোৱাৰ বাবে ছুটী ল'ব লাগিব । যদি তেওঁলোকে কাৰ্যালয়ত উপস্থিত হোৱাৰ বাবে গাড়ী-মটৰৰ প্ৰচলনৰ দাবী জনায়, তেন্তে তেওঁলোকৰ বিৰুদ্ধে চৰকাৰে তদন্ত কৰিব পাৰিব ।
গুৱাহাটীৰ লখৰা , মৰিগাঁও আদি অঞ্চলত বৃহৎসংখ্যক সচিবালয়ৰ কৰ্মচাৰী থাকে । লক-ডাউনৰ সময়ত তেওঁলোকে কেনেদৰে কাৰ্যালয়ত উপস্থিত হব ? সূত্ৰ অনুসৰি উপ-সচিব আৰু ততোধিক উচ্চ পদবীৰ বিষয়াসকলৰ উপস্থিতি অনিবাৰ্য। এক তৃতীয়াংশ কৰ্মচাৰীৰ উপস্থিতি কেৱল উপ-সচিব পদৰ তলৰ কৰ্মচাৰীসকলৰ বাবেহে প্ৰযোজ্য।
এই সন্দৰ্ভত সদৌ অসম কৰ্মচাৰী পৰিষদৰ উপদেষ্টা বাসৱ চন্দ্ৰ কলিতাই দা ছেন্টিনেলৰ আগত কয়, “ ' যদি লক-ডাউনৰ সময়চোৱাত চৰকাৰে পৰিবহন সুবিধা প্ৰদান কৰে তেন্তে তেওঁলোক কাৰ্যালয়ত উপস্থিত হবলৈ সাজু । বিষয়া , অধীক্ষক, সহায়ক , কম্পিউটাৰ অপাৰেটৰ আৰু অন্যৰ উপস্থিতি সুনিশ্চিত কৰিব লাগে যাতে কাৰ্যালয়ৰ কাম-কাজ সুচাৰুৰূপে পৰিচালিত হয় । বিভিন্ন জিলাত থকা কাৰ্যালয় স্থিতিও পৃথক নহয় " ।
মুখ্য কাৰ্যালয় এৰাৰ ছুটী অবিহনে এজন কৰ্মচাৰী কাৰ্যালয়ৰ বাহিৰত থাকিব নোৱাৰা সন্দৰ্ভত কলিতাই কয় যে সংকটৰ এই সময়ছোৱাত এক বৃন্দুত বৰ্তি থকাৰ বাবে কৰ্মচাৰীসকলক ইতিবাচক সহায় কৰা নাই । সমস্যাৰ সমাধান বিচৰাৰ বাবে সময়ৰ প্ৰয়োজন।
আনহাতে, চৰকাৰী সূত্ৰ অনুসৰি চৰকাৰে প্ৰথম পৰ্যায়ত কিছুমান প্ৰয়োজনীয় বিভাগ যেনে গড়কাপ্টানী, জলসম্পদ , কৃষি , জলসিঞ্চন আদিৰ কাৰ্যালয় পুনৰ খুলিব পাৰে । বাকী প্ৰয়োজনীয় বিভাগসমূহ পিছত খুলিব ।
অন্য খবৰৰ বাবে পঢ়ক:ল’ক-ডাউনৰ মাজতে প্ৰাক্তন মুখ্যমন্ত্ৰী কুমাৰাস্বামীৰ পুত্ৰৰ ৰাজকীয় বিয়া
ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown
