শীৰ্ষ বাতৰি

চন্দ্ৰযান২: ইছ’ৰোত বিজ্ঞানীসকলৰ মাজত স্থান পাইছে তিনিচুকীয়াৰ নিধি শৰ্মাই ৷

চন্দ্ৰযান২

 

সমগ্ৰ অসমত সম্প্ৰতি চন্দ্ৰযান২ ৰ চৰ্চা ৷সেই সময়তে পোহৰলৈ আহিছে তিনিচুকীয়াৰ এগৰাকী যুৱতীৰ চন্দ্ৰযান২ ত জৰিত থাকি দেশবাসীক গৌৰাম্বিত কৰাৰ প্ৰসংগ। তিনিচুকীয়াৰ নিধি শৰ্মা নামৰ ইছ’ৰোৰ বিজ্ঞানীগৰাকী হৈছে দীপক দেৱ আৰু শিখা দেৱৰ কন্যা ৷ নিধি শৰ্মাই চন্দ্ৰযান২ ত সক্ৰিয় ভূমিকাৰে কাম কৰি আছে ৷

সংবাদ মাধ্যমৰ লগত মত বিনিময় কৰি দীপক দেৱে কয় যে নিধিয়ে ইছ’ৰোত তেওঁৰ পদবীৰ বিষয়ে কেতিয়াও প্ৰকাশ কৰা নাছিল। মন কৰিব লগীয়া কথা এয়ে যে বিগত শনিবাৰে যেতিয়া চন্দ্ৰযান২ ৰ লেণ্ডাৰ বিক্ৰমৰ সৈতে সম্পৰ্ক বিছিন্ন হয়, তেতিয়াই এই সমগ্ৰ ঘটনাৰ সন্দৰ্ভত নিধি শৰ্মাই তিনিচুকীয়াত নিজৰ শহুৰেকৰ ঘৰত সম্পৰ্ক কৰে। আৰু সকলো তথ্যৰ বিষয়ে প্ৰকাশ কৰে। সম্প্ৰতি নিধি শৰ্মাৰ এই সাফল্যত সকলো লোক উৎফুল্লিত হৈছে।

উল্লেখ্য যে,চন্দ্ৰপৃষ্ঠত চন্দ্ৰযান ২ ৰ লেণ্ডাৰ বিক্ৰমৰ সন্ধান লাভ কৰিছে ইছ’ৰোয়ে। এই কথা প্ৰকাশ কৰিছে ISRO ৰ মুৰব্বী কে ছিৱানে ৷ অৰ্বিটাৰে লেণ্ডাৰ বিক্ৰমৰ কিছুমান আলোক চিত্ৰ প্ৰেৰণ কৰিছে। ইফালে বিক্ৰমৰ সৈতে সম্পৰ্ক স্থাপন কৰিবলৈ সম্প্ৰতি চেষ্টা কৰি আছে বুলি জনালে কে ছিৱানে।

অৱশ্য অৰ্বিটৰৰ দ্বাৰা লোৱা লেণ্ডাৰ বিক্ৰমৰ কিছুমান ফ’টো এতিয়াও ইছ’ৰোয়ে লাভ কৰিবলৈ সক্ষম হোৱা নাই । আনহাতে ইছ’ৰোয়ে সাত ছেপ্তেম্বৰত চন্দ্ৰ পৃষ্ঠত এক ইতিহাস গঢ়িবলৈ লোৱাৰ মুহুৰ্ততে চন্দ্ৰযান ২ ৰ লেণ্ডাৰ বিক্ৰমৰ লগত সম্পৰ্ক বিছিন্ন হয়। নিশা প্ৰায় ১ বাজি ৩০ মিনিটৰ পৰা ২ বজাৰ ভিতৰত চন্দ্ৰ পৃষ্ঠত অৱতৰণ কৰিব লগা চন্দ্ৰযান ২ সম্পৰ্ক বিছিন্ন হোৱাৰ পিছতে এক আৱেগিক পৰিবেশ বিৰাজ কৰে ইছ’ৰোত ৷ কিন্তু ইছ’ৰোৰ অধ্যক্ষ কে সিৱানৰ মত অনুসৰি এই মিশ্যন প্ৰায় ৯৯ শতাংশ সফল হয়।

কাৰণ একেবাৰে শেষ পৰ্যায়ত লেণ্ডাৰৰ লগতে সম্পৰ্ক বিছিন্ন হয়। লেণ্ডাৰ বিক্ৰমৰ অৱতৰণৰ প্ৰক্ৰিয়া সঠিক আছিল ৷দক্ষিণ ধ্ৰুৱৰ পৰা ২.১ কিলো মিটাৰ দূৰত থাকোঁতেই পৃথিৱীৰ পৰা সম্পৰ্ক বিছিন্ন হয় । এতিয়া আমি অৰ্বিটৰ পৰা পোৱা তথ্যসমূহৰ বিশ্লেষণ কৰি আছো ৷ অনাগত ১৪ দিনত লেণ্ডাৰৰ লগত সম্পৰ্ক ৰক্ষা কৰিবলৈ চেষ্টা কৰা হ’ব ৷এই মন্তব্য ইছ’ৰোৰ মুৰব্বী কে সিৱানৰ। উল্লেখ্য যে সাত ছেপ্তেম্বৰত নিশা দেশ বাসীয়ে এক ঐতিহাসিক ক্ষণৰ মুখামুখি হ’বলৈ যাওঁতেই চন্দ্ৰযান ২ ৰ সৈতে সংযোগ বিছিন্ন হয়।

ইয়াৰ পিছত বিজ্ঞানীসকল হৈ পৰিছিল অত্যন্ত আৱেগিক। ইফালে এই মূহুৰ্ত্তৰ সাক্ষী হ’বলৈ ইছ’ৰোৰ কাৰ্যালয়ত উপস্থিত আছিল প্ৰধানমন্ত্ৰী নৰেন্দ্ৰ মোডী ৷আৰু লগতে দেশৰ বহু শিক্ষাৰ্থী ৷সেই সময়ত সকলোৰে চকু সেমেকি উঠিচিল যদিও,হেৰুৱা নাছিল মনোবল ৷ প্ৰধানমন্ত্ৰী মোডীয়ে সকলোকে পুনৰ আগুৱাই যাবলৈ প্ৰেৰণা দিছিল ৷ইয়াৰ পিছত শনিবাৰে পুৱা আকৌ প্ৰধানমন্ত্ৰীগৰাকী উপস্থিত হয় ইছ’ৰোৰ মুখ্য কাৰ্যালয়ত।আৰু বিজ্ঞানীসকলক নিৰাশ নহৈ অনাগত দিনত আগবাঢ়ি যাবলৈ প্ৰেৰণা দিয়ে ৷

 

অন্য খবৰৰ বাবে পঢ়ক :আপুনি নিৰাশ ন’হব:ই’ছৰোৰ মুৰব্বী কে সিৱানক নৰেন্দ্ৰ মোডীৰ আহ্বান

ভিডিঅ প্ৰতক্ষ্য কৰক:Chandrayaan 2 Mission : Meet Nidhi Sharma (Scientist at ISRO) from Tinsukia