ৰাষ্ট্ৰীয় নাগৰিক পঞ্জী উন্নীতকৰণৰ প্ৰক্ৰিয়াৰ কৰ্তব্যত অবহেলা কৰাৰ বাবে ৫ জন চৰকাৰী বিষয়াক এন আৰ চি কৰ্তৃপক্ষ, ৰাজ্যিক গৃহ আৰু ৰাজনীতি বিভাগে বৰ্খাস্ত কৰে বুলি সূত্ৰয়ে প্ৰকাশ কৰে । চৰকাৰী বিষয়া কেইজনক দাবী আৰু অভিযোগৰ শুনানিৰ পক্ৰিয়াত নিয়োগ কৰা হৈছিল । লগতে এই ৫ জন বিষয়াৰ বিৰুদ্ধে ব্যৱস্থা গ্ৰহণ কৰা হব বুলিও প্ৰকাশ কৰে ।
সৰ্বোচ্চ ন্যায়ালয়ৰ অধিনত ৰাষ্ট্ৰীয় নাগৰিক পঞ্জীৰ পক্ৰিয়া চলি আছে । সেয়েহে কোনো কাৰণতে অবহেলাক প্ৰশ্ৰয় দিয়া নহব বুলি প্ৰকাশ কৰে । ডিছপজিঙ বিষয়া হিচাপে কৰ্তব্যৰত কেইজনমান বিষয়াক কৰ্তব্যত অবহেলাৰ হেতুকে বৰ্খাস্ত কৰা হয়। ৫ জন বৰ্খাস্ত হোৱা বিষয়াৰ পৰা সুদুত্তৰ নোপোৱাত তেওঁলোকৰ বিৰুদ্ধে শ্ব' কজ ( show cause) জাননী জাৰি কৰা হৈছে ।
তথ্যৰ ভিত্তিত এন আৰ চি কৰ্তৃপক্ষ আৰু গৃহ আৰু ৰাজনীতি বিভাগে পলাসবাৰী নগৰ কমিটিৰ সহকাৰী অভিযন্তা প্ৰফুল্ল কুমাৰ শৰ্মা, কাটলিচেৰা ভেটেনাৰি বিষয়া ডঃ নিলমনি দেব গোস্বামী , আগমনি মৎস্য সম্প্ৰসাৰণ বিষয়া ব্ৰজেন কুমাৰ ওজা , বিষয়া আব্দুল কাদেৰ আৰু পশ্চিম গোৱালপাৰা কলেজৰ সহকাৰী অধ্যাপক ইকৰামুল হুছেইন। তেওঁলোকৰ বিৰুদ্ধে ইতিমধ্যে ব্যবস্থা গ্ৰহণ কৰাৰ পক্ৰিয়া আৰম্ভ কৰিছে বুলি প্ৰকাশ কৰে ।
ৰাষ্ট্ৰীয় নাগৰিক পঞ্জীৰ অতিৰিক্ত খচৰা তালিকাৰ পৰা নাম কৰ্তন হোৱাসকলৰ দাবী আৰু শুনানি গ্ৰহণ প্ৰক্ৰিয়া শুকুৰবাৰৰ পৰা আৰম্ভ হয় ৷২০১৮ বৰ্ষৰ ৩০ জুলাইত প্ৰকাশিত এন আৰ চিত নাম অন্তৰ্ভুক্ত হোৱা অযোগ্য লোকৰ নাম নিৰীক্ষণৰ পিছত এন আৰ চি কৰ্তৃপক্ষই ২৬ জুনত এখন অতিৰিক্ত তালিকা প্ৰকাশ কৰিছিল ৷ এই অতিৰিক্ত খচৰাত ১,০২,৪৬২ জন লোকৰ নাম কৰ্তন হৈছিল ৷
অন্য খবৰৰ বাবে পঢ়ক:আজিৰে পৰা ৰাষ্ট্ৰীয় নাগৰিক সমকালীনভাৱে দাবী আৰু শুনানিৰ প্ৰক্ৰিয়া আৰম্ভ
