অসম চৰকাৰে ৰাজ্যৰ স্বদেশী লোকসকলৰ ভূমি অধিকাৰ ৰক্ষা কৰাৰ কাৰণে এক বিধায়িনী উপায় কৰিবলৈ আঁচনি তৈয়াৰ কৰিছে ৷এই সম্বন্ধত ৰাজ্য চৰকাৰৰ ৰাজহ আৰু দুৰ্যোগ প্ৰশমণ বিভাগে স্বদেশী লোকসকলক চিনাক্ত কৰিবলৈ এখন উচ্চ স্তৰীয় সমিতি গঠন কৰিবলৈ নিৰ্ণয় লৈছে ৷এক বিশেষ সূত্ৰৰ মত অনুসৰি অধিকাংশ নিম্ন বৰ্গৰ লোক সমগ্ৰ ৰাজ্যখনত বিয়পি আছে ।
উচ্চ স্তৰীয় সমিতিখন এই লোকসকলক সামাজিক আৰু আৰ্থিকভাৱে অধ্যয়ণ কৰিব আৰু বিভাগক নিজৰ প্ৰতিবেদন প্ৰদান কৰিব ।আৰু প্ৰতিবেদনৰ ওপৰত ভিত্তি কৰি ৰাজ্য চৰকাৰে শেষ সিদ্ধান্ত ল’ব ৷দ্য চেন্টিনেলৰ সৈতে মত বিনিময় কৰি ৰাজহ আৰু দুৰ্যোগ প্ৰশমণ বিভাগৰ শীৰ্ষ অধিকাৰীয়ে মন্তব্য কৰে যে ৰাজ্য চৰকাৰৰ দৃষ্টিত ৰাজ্যৰ বহু স্বদেশী লোকে কিছুমান বহিৰাগতৰ কাৰণে নিজৰ ভূমি হেৰুৱাইছে ৷যদি এনেধৰণেই বিষয়টো আগবাঢ়ি গৈ থাকে তেন্তে ভৱিষ্যতে এই লোকসকলে ভূমি হেৰুৱাব।
সেয়েহে এনেধৰণৰ পদক্ষেপ ৰাজ্য চৰকাৰে লৈছে ৷ আনহাতে এই সমগ্ৰ বিষয়টো ভূমি নীতি ২০১৯ ৰ অন্তৰ্গত লোৱা হৈছে ৷যাৰ কাৰণে ৰাজ্যৰ মন্ত্ৰী মণ্ডলে প্ৰথমতেই নিজৰ সহমত প্ৰদান কৰিছে ৷ইয়াত অসমৰ স্বদেশী লোকসকলক ভূমি অধিকাৰৰ পৰা সুৰক্ষিত কৰাৰ প্ৰসংগৰ কথা ইয়াত উল্লেখ আছে । উল্লেখ্য যে ৰাজ্যৰ স্বদেশী লোকসকলৰ ভূমি অধিকাৰৰ কাৰণে চৰকাৰে এক উচ্চ স্তৰীয় সমিতি গঠন কৰাৰ সিদ্ধান্ত লৈছে ৷
অধিক খবৰৰ বাবে পঢ়ক: শক্তি মন্ত্ৰীয়ে স্থাপন কৰিলে আধাৰশিলা লগতে প্ৰদান কৰিলে ভূমি পট্টা
ভিডিঅ প্ৰতক্ষ্য কৰক:Assam Martial Arts shines at World Martial Arts Games 2019 in London
