বৃদ্ধাৰ ধন লোৱাটো অস্বীকাৰ কৰিলে ডকাইতে, কপালত খালে চুমা

বৃদ্ধাৰ ধন লোৱাটো অস্বীকাৰ কৰিলে ডকাইতে , কপালত খালে চুমা। ব্ৰাজিলত সংঘটিত এটি ডকাইতি কাণ্ডৰ ভিডিঅ' হৈছে ভাইৰেল । ডকাইতি কাণ্ডটো সংঘটিত হৈছে ব্ৰাজিলৰ এখন মেডিকেল ষ্টোৰত ।এই ডকাইতি কাণ্ডটো আবদ্ধ হৈছে মেডিকেল ষ্টোৰ খনত থকা চি চি টিভিত ।‌ যিটো ভিডিঅ'ই এতিয়া ছোছিয়েল মিডিয়াত বহুলভাৱে প্ৰচাৰ হৈছে ।

ভিডিঅ'টোত দেখিবলৈ পোৱা গৈছে যে এখন মেডিকেল ষ্টোৰত হোৱা ডকাইতি কাণ্ডত এজন ডকাইতে এগৰাকী বৃদ্ধাৰ পৰা ধন লোৱাত অস্বীকাৰ কৰিছে । লগতে দেখিবলৈ পোৱা গৈছে যে ডকাইত দুজনে সেই স্থান ত্যাগ কৰাৰ আগত বৃদ্ধা গৰাকীৰ কপালত চুমা খাই ।

[video width="1280" height="720" mp4="https://assamese.sentinelassam.com/wp-content/uploads/sites/2/2019/10/Arned.mp4"][/video]

ভিডিঅ'টোত দেখিবলৈ পোৱা গৈছে যে এখন মেডিকেল ষ্টোৰত হেলমেট পৰিহিত দুজন ডকাইত প্ৰৱেশ কৰে । লগতে দোকান খনৰ মালিকক ধন দিবলৈ দাৱী কৰে । ভিডিঅ'টোত দেখা যায় যে ডকাইত দুজনৰ এজনে দোকান খনৰ পৰা ধন লৈ থকাৰ বিপৰীতে আন জনে বৃদ্ধা গৰাকীৰ লগত কথা পাতি থাকে । লগতে দোকান খনৰ মালিক জনে হাত ওপৰলৈ কৰি তলত বহি থকা দেখা যায় ।

এই সমগ্ৰ ঘটনাটো মঙ্গলবাৰে ব্ৰাজিলৰ আমৰানটে চহৰত সংঘটিত হয় ।

মেডিকেল ষ্টোৰ খনৰ মালিক জনে সংবাদ মাধ্যমৰ আগত জনায় যে ডকাইত দুজনে দোকানত প্ৰৱেশ কৰে আৰু দোকানৰ কৰ্মচাৰীক দোকান খনত থকা ধন দিবলৈ কয় । কিন্তু দোকান খনত থকা আন এগৰাকী বৃদ্ধা মহিলাৰ পৰা ধন নললে ডকাইত দুজনে । আনহাতে বৃদ্ধা গৰাকীক শান্ত থাকিবলৈ কোৱাৰ উপৰিও তেওঁৰ ধন নালাগে বুলি কয় ।

তথ্য অনুসৰি দুজনীয়া ডকাইতৰ দলটোৱে কমেও ডলাৰ হিচাপত ২৪০ টকা লুট কৰাৰ উপৰিও দোকান খনত থকা আন কিছুমান সামগ্ৰী লৈ যায় ।

অধিক খবৰৰ বাবে পঢ়ক: প্ৰেমিকে প্ৰেমিকাক চুৰিৰে আঘাত কৰাৰ পিছতেই কৰিলে আত্মহত্যা:চাঞ্চল্যৰ সৃষ্টি সৰ্বত্ৰে

ভিডিঅ প্ৰতক্ষ্য কৰক:Batadrava MLA Angoorlata Deka appeals for boycott of single-use plastic in State