শাসক দলৰ বিধায়কে এন আৰ চিৰ সম্বনয়কাৰী প্ৰতিক হাজেলাক আক্ৰমণৰ লক্ষ্য কৰি লৈছে
ৰাষ্ট্ৰীয় নাগৰিক পঞ্জীত বহুতো লোক বাদ পৰাৰ সন্দৰ্ভত শাসক আৰু বিৰোধী দলৰ মাজত বাক-বিতন্দা কৰাৰ সময়ত শাসক দলে এন আৰ চি সমন্বয়কাৰী প্ৰতিক হাজেলাক আক্ৰমণৰ লক্ষ্য কৰি লয়। বৃহস্পতিবাৰে অসম বিধানসভাত শাসক আৰু বিৰোধীৰ মাজত এই সম্পৰ্কে আলোচনা কৰা পৰিলক্ষিত হৈছিল । এন আৰ চিৰ বহুতো অবৈধ বিদেশীৰ নাম অন্তৰ্ভুক্ত কৰা হৈছে । সদনত এই সন্দৰ্ভত শাসক আৰু বিৰোধীৰ মাজত বাকযুদ্ধ হোৱা পৰিলক্ষিত হয় ।
মন্ত্ৰী চন্দ্ৰ মোহন পাটোৱাৰীয়ে প্ৰকাশ কৰে যে, চৰকাৰে এন আৰ চি পুনৰীক্ষণৰ বাবে সময় সীমা বৃদ্ধি কৰিবলৈ সৰ্বোচ্চ ন্যায়ালয়ৰ ওচৰত যি আবেদন কৰিছিল সেই আবেদন ইতিমধ্যে সৰ্বোচ্চ ন্যায়ালয়ে গ্ৰহণ কৰিছে । তেওঁ লগতে কয় যে, থলুৱা লোক সকলৰ নাম এন আৰ চিত বাদ পৰাৰ সন্দৰ্ভত ৰাজ্য চৰকাৰে ব্যবস্থা গ্ৰহণ কৰিছে, প্ৰতিক হাজেলাই নহয় ।
শূণ্যকালিন ঘন্টাত এন আৰ চিৰ সন্দৰ্ভত আলোচনা কৰা হয়। শাসক দলৰ বিধায়কে প্ৰকাশ কৰে যে, এন আৰ চিৰ পুনৰীক্ষণ ৰ সময় সীমা বৃদ্ধি কৰিবলৈ আবেদন কৰিছিল । কংগ্ৰেছ আৰু এ আই ইউ ডি এফৰ সদস্যয়ে প্ৰকাশ কৰে যে, উচ্চতম ন্যায়ালয়ৰ তত্বাবধানত চলি থকা এন আৰ চিৰ প্ৰক্ৰিয়াত হস্তক্ষেপ কৰিব নালাগে ।
শাসক দলৰ মতে , এন আৰ চিত বাংলাদেশ সীমান্তৰ জিলা সমূহৰ ৯৫% লোকৰ নাম অন্তৰ্ভুক্ত হৈছে । পাহাৰীয়া জিলাৰ ১৮% থলুৱা লোকৰ নাম এন আৰ চিৰ পৰা বাদ পৰিছে । লগতে তেওঁলোকে কয় যে, নতুন দিল্লী আৰু দিছপুৰে এন আৰ চি উন্নীতকৰণৰ প্ৰক্ৰিয়াৰ বাবে ধন ব্যয় কৰি আছে কিন্তু প্ৰতিক হাজেলাই চৰকাৰক অন্ধকাত ৰাখি কাম কৰি গৈছে বুলি প্ৰকাশ কৰে ।
মন্ত্ৰী চন্দ্ৰ মোহন পাটোৱাৰীয়ে প্ৰকাশ কৰে যে, " আমি এন আৰ চিৰ চুৰান্ত খচৰা প্ৰকাশ দিন পিছুৱাবলৈ উচ্চতম ন্যায়ালয়ত আবেদন কৰিছিলো তেতিয়াহে এখন শুদ্ধ নাগৰিক পঞ্জী প্ৰকাশ কৰিব পৰা যাব বুলি প্ৰকাশ কৰিছিলো । আনহাতে , সংখ্যালঘুৰ জিলা সমুহৰ ৯৬% লোকৰ নাম এন আৰ চিত অন্তভূক্ত হৈছে । ৰাজ্যিক এন আৰ চি সমন্বয়ক প্ৰতিক হাজেলাই এটা অভিপ্ৰায়ত কাম কৰি আছে । এন আৰ চিত থলুৱা লোকসকল বাদ পৰা ক্ষেত্ৰত কি ব্যবস্থা গ্ৰহণ কৰিব?
বিজেপিৰ বিধায়ক ডঃ নোমল মমিনে প্ৰকাশ কৰে যে, পাহাৰীয়া জিলাৰ ১৮ % লোক বাদ পৰিছে এন আৰ চিৰ খচৰাত, আনহাতে মাত্ৰ ৫ % লোক সীমান্ত জিলাৰ বাদ পৰিছে । সেয়েহে সন্দেহৰ আবৰ্ত্তত সোমাই পৰিছে । "
অধিক খবৰৰ বাবে পঢ়ক: ৰাষ্ট্ৰীয় নাগৰিক পঞ্জী অসম: এন আৰ চিৰ চুৰান্ত তালিকা প্ৰকাশ পাব ৩১ আগষ্টত
