প্ৰাক্তন সেনা বিষয়া সানাউল্লাহ মুকলি আকাশৰ তলত । বিদেশী বুলি ঘোষণা কৰা প্ৰাক্তন ভাৰতীয় সেনা বিষয়া সানাউল্লাহৰ আবেদন শুকুৰবাৰে শুনানি গ্ৰহণ কৰিছিল। আদালতে প্ৰাক্তন সেনা বিষয়া গৰাকীক জামিন আবেদন মঞ্জুৰ কৰে । ২০ হাজাৰ টকাৰ বণ্ডৰ বিনিময়ত জামিন মঞ্জুৰ কৰে গুৱাহাটী উচ্চ ন্যায়ালয়ে ।
আজি মুকলি আকাশৰ তললৈ প্ৰাক্তন সেনা বিষয়া সানাউল্লাহ। ডিটেনচন কেম্পৰ পৰা প্ৰথমতে আমিনগাঁওলৈ লৈ যোৱা হৈছে সানাউল্লাহক । ১১ দিনৰ বন্দীত্ব জীৱন কটাই মুকলি আকাশৰ তলত প্ৰাক্তন সেনা বিষয়া গৰাকী। ডিটেনচন কেম্পৰ পৰা আমিনগাঁওলৈ নিয়া হৈছে সানাউল্লাহক । আমিনগাঁও থানাত পৰিয়ালক গতাব আৰক্ষীয়ে ।
সানাউল্লাহৰ মুক্তিক লৈ এতিয়া উৎফুল্লি হৈ পৰিছে পৰিয়ালৰ লগতে তেওঁৰ গাওঁবাসীয়ে । যাবতীয় কাম-কাজৰ পিছতে আমিনগাঁও থানাই মুকলি কৰিব কাৰ্গিলৰ যুদ্ধা সানাউল্লাহ।
গুৱাহাটী উচ্চ ন্যায়ালয়ৰ বিচাৰপীঠে অসম চৰকাৰৰ লগতে ভাৰত চৰকাৰ, নিৰ্বাচনী আয়োগ , ৰাষ্ট্ৰীয় নাগৰিক পঞ্জী কাৰ্য্যালয় আৰু অনুসন্ধান কৰি বিষয়া চন্দ্ৰমল দাসলৈ কাৰন দৰ্শোৱাৰ বাবে জাননী জাৰি কৰিছিল ।
প্ৰাক্তন ভাৰতীয় সেনা বিষয়া সানাউল্লাহক বিদেশী ন্যায়াধীশকৰনে বিদেশী বুলি ঘোষণা কৰি ২৯ মেত ডিটেনচন কেম্পলৈ প্ৰেৰণ কৰিছে ।
বকো বিদেশী ন্যায়াধীশকৰনে ২০১৮ চনৰ ৪ চেপ্তেম্বৰত মহম্মদ সোনাউল্লাহলৈ জাননী জাৰি কৰিছিল আৰু তেওঁক বিদেশী বুলি ঘোষণা কৰে ।
কামৰূপৰ অতিৰিক্ত এচ পি সঞ্জীৱ শইকীয়াৰ মতে ২০০৮ চনত কামৰূপ বিদেশী ন্যায়াধীশকৰনত এটা গোচৰ ৰুজু কৰা হৈছিল । ন্যায়াধীশকৰনৰ ৰায়ৰ পাছত প্ৰাক্তন সেনা বিষয়া গৰাকীক গোৱালপাৰাৰ ডিটেনচন কেম্পত ৰখা হৈছে।
সোনাউল্লাহ জন্ম হৈছিল কামৰূপ জিলাৰ চয়গাঁওৰ কলহীকাষ গাঁওত ১৯৬৭ চনৰ ৩০ জুলাইত জন্ম হৈছিল । ১৯৮৫ চনত বকোৰ চাম্পুপাৰা চৰকাৰী হাইস্কুলৰ পৰা মেট্ৰিকত উৰ্ত্তীৰ্ণ হৈছিল । তাৰ পাছত বৰপেটা জিলাৰ চেঙা কলেজত অধ্যয়ন কৰে। তেওঁ ২০১৭ চনৰ ৩১ মেত ভাৰতীয় সেনাৰ পৰা অৱসৰ লয় । ২০১৮ চনত অসম আৰক্ষীৰ সীমান্ত শাখাত আৰক্ষী উপ-পৰিদৰ্শক হিচাপে যোগদান কৰে । কামৰূপ জিলাৰ বাইহাটা চাৰিআলি আৰক্ষী থানাতো কাৰ্যনিৰ্বাহ কৰিছিল । ২০১৪ চনৰ ২ চেপ্তেম্বৰত ৰাষ্ট্ৰপতিৰ পৰা প্ৰসংশাৰ মানপত্ৰ লাভ কৰিছিল সোনাউল্লাহে ।
উল্লেখ্য যে প্ৰাক্তন সেনা বিষয়া আৰু তেওঁৰ পত্নী সদভানু বিবি, জীয়েক শ্বেহনাজ আখটাৰ, হেলমিনা আখটাৰ আৰু পুত্ৰ চাহিত আলীৰ নাম এন আৰ চিৰ তালিকাটো প্ৰকাশ পোৱা নাই । তেওঁৰ পৰিয়ালৰ সদস্য, দুজন ডাঙৰ ককায়েক স্বৰ্গীয় হানিফ আলী আৰু বাৰেক আলীৰ নাম এন আৰ চিৰ তালিকাত আছে ।
অধিক খবৰৰ বাবে পঢ়ক : শীৰ্ষ বাতৰি
