চৰকাৰে আৰম্ভ কৰিব চাহ বাগিচাৰ ছাত্ৰ ছাত্ৰী সকলৰ বাবে জলপানি । ৰাজ্য চৰকাৰে চাহ বাগিচাৰ দশম আৰু দ্বাদশ শ্ৰেণীৰ ছাত্ৰ ছাত্ৰী সকলৰ বাবে সিমন সিং হ'ৰ নামৰ এক জলপানিৰ ব্যৱস্থা কৰিব । এই আচঁনিৰ অধীনত ৰাজ্যৰ প্ৰতিটো চাহ জনগোষ্ঠীৰ ছাত্ৰ ছাত্ৰীক ১০ হেজাৰ টকাকৈ জলপানি দিয়া হব ।
তাৰোপৰি বৰ্তমান ৰাজ্য চৰকাৰে চাহ জনগোষ্ঠীৰ ছাত্ৰ ছাত্ৰী সকলক প্ৰদান কৰা জলপানিও অব্যাহত থাকিব । সকলোৰে মাজত সজাগতা আনিবলৈ ৰাজ্য চৰকাৰ আৰু কেন্দ্ৰীয় চৰকাৰে ইতিমধ্যে বহু আঁচনি প্ৰনয়ন কৰিছে । ৰাজ্য আৰু কেন্দ্ৰীয় চৰকাৰৰ দ্বাৰা "শ্ৰমিক মিত্ৰচ " নামৰ আন এক আঁচনি প্ৰনয়ন কৰা হ'ব ৰাজ্যৰ প্ৰতিখন চাহ বাগিচাৰ বাবে ।
এক সংবাদ মেলত প্ৰকাশ পোৱা অনুসৰি উক্ত সিদ্ধান্ত গ্ৰহণ কৰে মুখ্যমন্ত্ৰী সৰ্বানন্দ সোণোৱালৰ অধ্যক্ষতাত জনতা ভৱনৰ মুখ্যমন্ত্ৰীৰ সভাকক্ষত হোৱা এক বৈঠকত । উক্ত বৈঠক খন ষ্টেট লেভেল এডভিচৰি কমিটী ৰাজ্যৰ চাহ জনগোষ্ঠীৰ কল্যাণৰ হকে গঠিত হৈছিল ।
তাৰোপৰি এই বৈঠকত আন এক সিদ্ধান্ত লোৱা হয় যে অসম টি কোম্পানী লিমিটেডৰ অন্তৰ্গত ১৫ খন বাগিচাৰ চাহ কৰ্মচাৰীৰ কেঁচা ঘৰ সমূহ পকী ঘৰ বনোৱা হ'ব ।
তাৰোপৰি প্ৰথম পৰ্যায়ত মুঠ ৯০০০ কেঁচা ঘৰৰ ভিতৰত ৩৫০০ ঘৰ পকী কৰা হয় । লগতে চাহ বাগিচাৰ ৪৮ টা মহকুমাত ঠিকাভিত্তিক ডাটা এন্ট্ৰি অপাৰেটৰ নিযুক্ত কৰা হৈছে যাতে চাহ বাগিচাৰ লোক সকলে প্ৰনয়ন সকলো আচনিৰ সুবিধা লাভ কৰে ।
তাৰোপৰি চাহ বাগিচাৰ ক্ষুদ্ৰ ব্যাপাৰী আৰু ব্যৱসায়ী সকলক ২৫,০০০ টকাকৈ দিয়া সমস্যাটোও আলোচনা কৰা হয় এই সভা খনত ।
এই সভাখনত চাহ বাগিচাৰ যুৱ সমাজৰ বাবে দক্ষতা বিকাশ আচনি প্ৰনয়ন কৰাৰো আলোচনা কৰে ।
লগতে অসম স্কিল ডেভেলপমেন্ট আঁচনিৰ ক্ষেত্ৰত কেন্দ্ৰত চাহ জনগোষ্ঠীৰ লোক সকলৰ বাবে ৫০% আসন সুৰক্ষিত কৰাৰ কথাও উত্থাপন কৰা হয় এই সভা খনত ।
Also Read: অসম চৰকাৰৰ সিদ্ধান্ত অনুসৰি ২০২১ৰ পৰা কাৰ্যকৰী হব দুটা সন্তানৰ নিয়ম
Also Watch: SMSS formed Human Chain to protest against ‘Citizenship Amendment Bill’ across Assam