গাজিয়াবাদত আত্মহত্যা কৰা মহিলা বাংগালোৰত জীৱিত অবস্থা উদ্ধাৰ হোৱা এক চাঞ্চ্যলৰ ঘটনা সংঘটিত হৈছে । ৫ জুলাইত দিল্লীৰ পৰা নিৰুদ্দেশ হোৱাৰ পাছত আৰক্ষীৰ অভিযানত মহিলা গৰাকীক বাংগালোৰত উদ্ধাৰ কৰা হৈছে । উল্লেখযোগ্য যে এই জীৱিত মহিলা গৰাকীয়ে আত্মহত্যা কৰিছিল বুলি মানি লোৱা হৈছিল ।
এই যুৱতী গৰাকীৰ নাম হৈছে কোমল। তেওঁ ইঞ্চুৰেঞ্চচ কোম্পানীৰ ট্ৰেইনিং মেনেজাৰ আৰু ভাৰতীয় কিষানৰ কেন্দ্ৰীয় ৰাষ্ট্ৰীয় সভাপতিৰ জীয়েক আছিল ।
কোমল উত্তৰ প্ৰদেশৰ গাজিয়াবাদৰ পৰা ৬ জুলাইৰ পৰা তেওঁৰ গাড়ীৰ সৈতে নিৰুদ্দেশ হৈ আছিল । কিন্তু গাড়ীৰ খনৰ ভিতৰত এখন চুইচাড নোট উৰ্ত্তীৰ্ণ কৰা হৈছিল । তেওঁ লিখি গৈছিল আত্মহত্যাৰ কথা। চুইচাড নোটত স্বামী আৰু শাহুৱেকে নিৰ্যাতন কৰাৰ বাবে আত্মহত্যাৰ পথ বাছি লৈছিল বুলি প্ৰকাশ কৰিছিল ।
সকলোৱে মানি লৈছিল কোমলে হিন্দন নদীত জপিয়াই আত্মহত্যা কৰিছিল । চৌদিশে পৰিয়ালত কান্দোনৰ ৰোল । কিন্তু ৩ দিনৰ পাছত মৃত বুলি ভাবি লোৱা মহিলা জীৱিত অৱস্থাত উদ্ধাৰে তীব্ৰ চাঞ্চ্যলৰ সৃষ্টি কৰিছে ।
অন্য খবৰৰ বাবে পঢ়ক : এন আৰ চিত নাম নথকাৰ বাবেই দৰঙত কিশোৰীৰ আত্মহত্যা
