পোহনীয়া মেকুৰীৰ সৰ্বোত্তম প্ৰজাতি

ৰাগডল

ৰাগডলে মানুহ বা মানুহৰ সংগ খুব ভালপায় ৷ গতিকে এনে মেকুৰীৰ দিনটোৰ প্ৰতিক্ষণতে মাজনিশালৈকে গৰাকীৰ পিছে পিছে প্ৰায়ে ঘূৰি ফুৰে ৷ গতিকে আপুনি এনে এটা মেকুৰী পুহিবলৈ ল’ব পাৰে ৷ এনে মেকুৰীয়ে আপোনাৰ অন্তৰ জয় কৰিব পাৰে ৷ টেইলৰ ছুইফটৰো এনে মেকুৰী আছে ৷

মেইনচ কুনছ

মেইনছ মেকুৰী প্ৰকাণ্ড হয় ৷ এই কাৰণে এনে প্ৰজাতিৰ মেকুৰী বিখ্যাত ৷ এনে এটা মেকুৰীৰ ওজন ৩০ পাউণ্ড পৰ্যন্ত হয় ৷ ই মানুহৰ লগত বন্ধুসুলভ আচৰণ কৰে ৷ মানুহৰ লগত ভালদৰে মিলি পৰাৰ বাবে বহুতে এই প্ৰজাতিৰ মেকুৰীক কুকুৰৰ সৈতে তুলনা কৰে ৷

আমেৰিকান শ্বৰ্টহেয়াৰ্ছ

আমেৰিকান শ্বৰ্টহেয়াৰ্ছ প্ৰজাতিৰ মেকুৰীৰ আয়ুস দীঘল হয় ৷ গতিকে বহু লোকে এনে প্ৰজাতিৰ মেকুৰী পোহে ৷ কাৰণ এনে এটা মেকুৰী দীৰ্ঘ বছৰ মানুহৰ সৈতে বাস কৰে ৷

স্কটিছ ফ’ল্ডচ

স্কটিচ ফল্ডছ হৈছে অতি উন্নত জাতৰ মেকুৰী ৷ এনে মেকুৰীৰ চকু ডাঙৰ হয় আৰু কাণ ঘূৰ খাই থকাৰ লেখীয়া হয় ৷ গতিকে এই মেকুৰীৰ প্ৰজাতিৰ নাম স্কটিচ ফ’ল্ডচ আখ্যা দিয়া হৈছে ৷ ইয়াৰ দেহৰ আকাৰ-আকৃতি মধ্যমীয়া হয় ৷ এনে মেকুৰীয়েও গৰাকীক বৰ ভাল পায় ৷ মানুহৰ মৰমৰ মাজত এনে মেকুৰীয়ে বাস কৰি ভাল পায় ৷ তদুপৰি এনে মেকুৰীয়ে বহু ডাঙৰ শব্দও সহ্য কৰিব পাৰে ৷ সেয়ে মহানগৰীৰ বাসিন্দাই পুহিবৰ বাবে এনে মেকুৰী পচন্দ কৰে ৷

চোমালী

চোমালী প্ৰজাতিৰ মেকুৰীয়ে গৰাকীৰ পৰা বহু মৰম বিচাৰে ৷ এই প্ৰজাতিৰ মেকুৰীয়ে গৰাকীৰ লগত ধেমালি কৰি অতি ভাল পায় ৷ অতি বুদ্ধিমান এই মেকুৰীয়ে ঘৰৰ ভিতৰত গৰাকী য’তেই নাথাকক কিয়, বিচাৰি উলিয়াব পাৰে ৷

পাৰ্চিয়ান

পাৰ্চিয়ান প্ৰজাতিৰ মেকুৰী অতি ধুনীয়া আৰু মৰমলগা হয় ৷ এইবিধ মেকুৰী অতি জনপ্ৰিয় মেকুৰী ৷ মাজে-সময়ে এনে মেকুৰীয়ে নতুন পৰিৱেশত খাপ খাবলৈ অধিক সময় লয় ৷ কিন্তু পৰিৱেশৰ সৈতে খাপ খুৱাৰ পাছত ইয়ে সহজে বাস কৰিব পাৰে ৷ আনকি এনে মেকুৰীয়ে অতি হুলস্থূলীয়া পৰিৱেশতো বাস কৰিব পাৰে ৷

এবিচিনিয়ানছ

এনে প্ৰজাতিৰ মেকুৰী অতি বুদ্ধিমান আৰু ধুনীয়া হয় ৷ তথ্য অনুসৰি এনে প্ৰজাতিৰ মেকুৰী পৃথিৱীৰ অতি পুৰণি প্ৰজাতিৰ মেকুৰী ৷ এই প্ৰজাতিৰ মেকুৰীয়ে গৰাকীৰ লগ এৰিব নিবিচাৰে ৷

বিৰ্মান

বিৰ্মান প্ৰজাতিৰ মেকুৰীৰ চকু নীলা আৰু নাক মুগা বৰণৰ হয় ৷ ইয়াৰ জৰিয়তে এনে মেকুৰী সহজে চিনাক্ত কৰিব পাৰি৷ এনে মেকুৰী কে’বাটাও ৰঙৰ পোৱা যায় ৷ ডাঙৰ হোৱাৰ লগে লগে ইহঁতৰ নোম ভিন্ন হয় ৷ এনে মেকুৰী ধুনীয়া আৰু মৰমলগা হয় ৷

এক্সটিক শ্বৰ্টহেয়াৰ্ছ

এই প্ৰজাতিৰ মেকুৰী কিছু পৰিমাণে পাৰ্ছিয়ান মেকুৰীৰ দৰে ৷ কিন্তু ইহঁতৰ নোমবোৰ চুটি আৰু দেহ কোমল ৷ ইয়ে এই প্ৰজাতিৰ মেকুৰীক অধিক মৰমলগা কৰি তোলে ৷ বয়স কম হৈ থকাৰ সময়ত ইহঁতে ধেমালি কৰি ভাল পায় ৷ কিন্তু বয়স বৃদ্ধিৰ লগে লগে এই মেকুৰী আৰাম আৰু অলসতা প্ৰিয় হয় ৷

বেংগাল

বেংগাল প্ৰজাতিৰ মেকুৰী মৰমীয়াল হয় ৷ ইহঁতৰ আচৰণ মাইকী কুকুৰৰ লেখীয়া ৷ ইহঁতে যিকোনো পৰিৱেশ আনকি হুলস্থূলীয়া পৰিৱেশতো বাস কৰিব পাৰে ৷ এই মেকুৰী দেখাত প্ৰাপ্তবয়স্ক চীটা বাঘৰ দৰে ৷

অৰিয়েণ্টেল শ্বৰ্টহেয়াৰ্ছ

অৰিয়েণ্টেল শ্বৰ্টহেয়াৰ্ছ প্ৰজাতিৰ মেকুৰীয়ে গৰাকীক অতি ভাল পায় ৷ গতিকে এনে মেকুৰীয়ে গৰাকীক অশান্তি দিব পাৰে ৷ আপুনি চকীত বহি কাম কৰি থকা অৱস্থাত এনে মেকুৰী কোলাত বহুৱাই ৰাখিব পাৰে ৷ এনে প্ৰজাতিৰ মেকুৰী মানুহৰ ভাল সংগী আৰু ইহঁতে মানুহৰ নিঃসংগতা দূৰ কৰিব পাৰে ৷

ডেভন ৰেক্স

ডেভ’ন ৰেক্স প্ৰজাতিৰ মেকুৰীক প্ৰায়ে কুকুৰৰ লগত তুলনা কৰা হয় ৷ কাৰণ ইহঁতে কুুকুৰৰ লেখীয়াকৈ মানুহৰ সৈতে থাকিব বিচাৰে ৷ ইহঁতে ঘৰত গৰাকীৰ পিছে পিছে ঘূৰি ফুৰে ৷ কিন্তু ইহঁতে গৰাকীৰ মনোযোগ অধিক নিবিচাৰে ৷ মাথোঁ ইহঁতে গৰাকীৰ কামৰ অংশ হ’বলৈ বিচাৰে ৷ এনে মেকুৰীৰ ওজন ৯ পাউণ্ড পৰ্যন্ত হ’ব পাৰে ৷

ব্ৰিটিছ শ্বৰ্টহেয়াৰ্চ

ব্ৰিটিছ শ্বৰ্টহেয়াৰ্ছ প্ৰজাতিৰ মেকুৰী স্বাধীনচিতিয়া, কিন্তু ইহঁতে মানুহৰ সংগ ভাল পায় ৷ ইহঁতে শিশুৰ পৰা আৰম্ভ কৰি ডাঙৰ মানুহলৈকেঃ সকলোৰে লগত খেলি ভাল পায় ৷ কিন্তু ইহঁতে গৰাকীয়ে লগত লৈ ফুৰাটো ভাল নাপায় ৷ ইহঁতে ভাল পোৱা মতে, গৰাকীৰ কোলাত বহি থাকে ৷ কিন্তু গৰাকীয়ে ইচ্ছামতে এনে মেকুৰীক কোলাত বহুৱাই ৰাখিব নোৱাৰে ৷ সাধাৰণতে এনে মেকুৰীৰ গাৰ ৰং ধোঁৱাবৰণীয়া আৰু চকু মুগা বৰণৰ হয় ৷