নাৰী সৱলীকৰণঃ প্ৰতিগৰাকী নাৰীয়ে অৱশ্যে চাবলগীয়া ১১ টা শ্ব’
০৪ ফেব্ৰুৱাৰী ২০২২
ফ্লীবেগ
এমাজন প্ৰাইম ভিডিঅ’যোগে প্ৰচাৰিত এটা শ্ব’ হ’ল “ ফ্লীবেগ’’ ৷ জনপ্ৰিয়তা অৰ্জন কৰা এই শ্ব’ৰ কাহিনী নাৰী বা নাৰীৰ প্ৰতিভা আৰু শক্তিকেন্দ্ৰিক ৷ প্ৰতিগৰাকী নাৰীয়ে জীৱনৰ কোনো মুহূৰ্তত নিজকে এই কাহিনীৰ মাজত বিচাৰি পাব ৷
আৰ্য
সুস্মিতা সেন অভিনীত “ আৰ্য"ত দক্ষতাৰে ব্যৱসায় চম্ভালি লোৱা এগৰাকী নাৰীৰ কাহিনী বৰ্ণিত হৈছে ৷ ব্যৱসায়-বাণিজ্য কেনেদৰে চম্ভালি ল’ব লাগে, তাৰ কাহিনী এই শ্ব’ত বৰ্ণনা কৰা হৈছে ৷ জনপ্ৰিয়তা অৰ্জন কৰা এই শ্ব’ ডিজনী+ হটষ্টাৰত সম্প্ৰচাৰিত হৈছে ৷
পুষ্পাৱলী
পুষ্পাৱলী হৈছে এগৰাকী যুৱতীক লৈ নিৰ্মিত এক তামিল ৱেবছিৰিজ ৷ যুৱতীগৰাকীয়ে নিজৰ বাবে উপযুক্ত পাত্ৰৰ সন্ধানত ইখনৰ পাছত সিখন মহানগৰ ভ্ৰমণ কৰিছে ৷ আকৰ্ষণীয় কাহিনীৰ এই শ্ব’ এমাজন প্ৰাইম ভিডিঅ’ত সম্প্ৰচাৰিত হৈছে ৷
কুইন্স গেম্বিট
ডবা খেলৰ এগৰাকী চেম্পিয়নকলৈ “ কুইন্স গেম্বিট’’ শ্ব’ নিৰ্মাণ কৰা হৈছে ৷ এই চেম্পিয়নগৰাকীৰ এটা আসক্তি বা নিচাৰ সমস্যা আছে ৷ চেম্পিয়নগৰাকী পুৰুষ নে নাৰী আপুনি অনুমান কৰিব পাৰিছেনে ? সেয়া নিশ্চিত হ’বলৈ নেটফ্লিক্সত সম্প্ৰচাৰিত হৈ থকা এই শ্ব’ চাওক ৷
ডেলহী ক্ৰাইম
“ ডেলহী ক্ৰাইম’’ শ্ব’ ২০১২ৰ দিল্লীৰ নিৰ্ভয়া কাণ্ডক লৈ নিৰ্মিত ৷ এই শ্ব’ৰ কেন্দ্ৰবিন্দু হৈছে ডি চি পি ভৰ্তিকা চতুৰ্বেদী ওৰফে শ্বেফালী শ্বাহ ৷ এগৰাকী মহিলা আৰক্ষী বিষয়াই এই ঘৃণনীয় অপৰাধৰ তদন্তত মূল ভূমিকা পালন কৰিছে। এই শ্ব’ নেটফ্লিক্সত সম্প্ৰচাৰিত হৈছে ৷
মিছেছ আমেৰিকা
আমেৰিকাত ১৯৭০ৰ দশকত সম অধিকাৰ সংশোধনী আইন ( ইকুৱেল ৰাইটছ এমেণ্ডমেণ্ট এক্ট) গৃহীতকৰণৰ প্ৰক্ৰিয়া আৰম্ভ হোৱাৰ সময়কলৈ এই শ্ব’ নিৰ্মাণ কৰা হৈছে ৷ এই শ্ব’ত দুটা কাণে-কাণে লাগি থকা প্ৰেক্ষাপট তুলি ধৰা হৈছে ৷ জনপ্ৰিয়তা অৰ্জন কৰা এই শ্ব’ত অভিনয় কৰিছে কেট ব্লেনচেট আৰু ৰ’জ বাইৰেনে ৷ এই শ্ব’ ডিজনী+ হটষ্টাৰত সম্প্ৰচাৰিত হৈছে ৷
গাৰ্লছ
কিছুসংখ্যক যুৱতীক লৈ “ গাৰ্লছ’’ৰ কাহিনী নিৰ্মিত হৈছে। নিউয়ৰ্কত বাস কৰা এই যুৱতীসকলে নিজকে প্ৰাপ্তবয়স্ক বুলি ধাৰণা কৰে ৷ আটাইকেইগৰাকী যুৱতীৰ বয়স ২০ বছৰৰ ওচৰে-পাঁজৰে ৷ এই শ্ব’ ডিজনী+ হটষ্টাৰত সম্প্ৰচাৰিত হৈছে ৷
বম্বে বেগমছ
ক্ৰমে জনপ্ৰিয়তা অৰ্জন কৰা “ বম্বে বেগমছ’’ৰ কাহিনী হৈছে নাৰী কেনেদৰে নিজৰ অধিকাৰকলৈ ৰাণীৰ দৰে থাকিব পাৰে তাকলৈ ৷ এই শ্ব’ নেটফ্লিক্সত প্ৰদৰ্শিত হৈছে ৷
চুৰেইলছ
চুৰেইলছ হৈছে এখন পাকিস্তানী ধাৰাবাহিক ৷ একাংশ মহিলাই প্ৰৱঞ্চক স্বামীক ধৰা পেলোৱাৰ বাবে এটা সংস্থা গঠনৰ কাহিনী এই শ্ব’ত বৰ্ণিত হৈছে। গতিকে কাহিনী ৰহস্যঘন বুলি অনুমান কৰিব পাৰি ৷ এই শ্ব’ ZEE-5ত প্ৰদৰ্শিত হৈছে ৷
লাষ্ট ষ্টৰিজ
অভিজ্ঞ অভিনেত্ৰী মণীষা কৈৰালাই অভিনয় কৰা “ লাষ্ট ষ্টৰিজ"ৰ কাহিনীয়ে বহুতকে চুই গৈছে। এই শ্ব’ হৈছে এক সংকলন ৷ এই সংকলনৰ মুখ্য চৰিত্ৰত অভিনয় কৰিছে মণীষা কৈৰালাই ৷ অভিনয়ত তেওঁৰ উজ্জ্বলি উঠিছে ৷ এই শ্ব’ সম্প্ৰচাৰিত হৈছে নেটফ্লিক্সত ৷
গিল্লি পুচ্চি, আজীৱ দস্তানাজ
গিল্লি পুচ্চিত এটা আকৰ্ষণীয় নাৰীবাদৰ কাহিনী প্ৰদৰ্শিত হৈছে ৷ এই শ্ব’ত দৰাচলতে নাৰী চৰিত্ৰক সন্মুখত উপস্থাপন কৰা হৈছে। এগৰাকী যুৱতী কৰ্মস্থলী আৰু কেৰিয়াৰত উজ্জ্বলি উঠাৰ কাহিনী এই শ্ব’ত বৰ্ণিত হৈছে ৷ এই শ্ব’ নেটফ্লিক্সত প্ৰদৰ্শিত হৈছে ৷