![কাছাৰ জিলাত প্ৰসাদ গ্ৰহণ কৰি চিকিৎসাধীন হ'ল ২৪গৰাকী](http://media.assettype.com/assamese-sentinelassam%2Fimport%2Fh-upload%2F2021%2F12%2F10%2F280516-280155-sssss.jpg?w=480&auto=format%2Ccompress&fit=max)
এক আচৰ্য্যপূৰ্ণ ঘটনা সংঘটিত হৈছে অসমৰ কাছাৰ জিলাত স্থিত কুৰকুৰি চাহ বাগানত। ঘটনা ক্ৰমে চাহ বাগিচা খনত এক বিশেষ পূজা উৎসৱৰ হেতু বিতৰণ কৰা প্ৰসাদ গ্ৰহণ কৰি পেটৰ সমস্যাত চিকিৎসাধীন হ'ব লগীয়া হয় বাগিচা খনৰ প্ৰায় ২৪ গৰাকী লোক।
খবৰ অনুসৰি, যোৱা সোমবাৰে চাহ বাগিচা খনত উদযাপন কৰা হৈছিল এখনি পূজা উৎসৱ। বৰ্তমান চিকিৎসাধীন হৈ থকা লোকসকলে অংশ গ্ৰহণ কৰিছিল এই বিশেষ পূজা খনত। এই পূজাতেই প্ৰসাদৰ ৰূপত বিতৰণ কৰা হৈছিল খিচীৰি। এই খিচীৰি গ্ৰহণ কৰাৰ পাছতেই বাগিচা খনৰ বহুতো লোকৰ বমি আৰম্ভ হয় আৰু ইয়াৰ লগতে তেওঁলোকে পেটৰ বিষ হোৱা বুলি জানিবলৈ দিয়ে।
গুমৰাহ প্ৰাথমিক স্বাস্থ্য কেন্দ্ৰৰ (PHC), স্বাস্থ্য বিষয়া গৰাকীয়ে জনাইছে যে শেহতীয়া ভাৱে আৰু ০৬ গৰাকী লোকক ভৰ্তি কৰোৱা হয় কলাইন সম্প্ৰদায় স্বাস্থ্য কেন্দ্ৰত। জানিবলৈ পোৱা মতে এই লোক সকলেও প্ৰকাশ কৰিছে পেট বিষৰ সময়ৰ বিষয়ে।
অন্যহাতে, এই ঘটনাৰ পাছত অতিকৈ স্বাস্থ্যৰ অৱনতি ঘটে লোক সকলক উন্নত চিকিৎসাৰ বাবে প্ৰেৰণ কৰা হয় শিলচৰ চিকিৎসা মহাবিদ্যালয় চিকিৎসালয়লৈ।
আৰু পঢ়ক : লালমাটিৰ গুদামত ভয়াবহ অগ্নিকাণ্ড