![অভিনেতা,ডাৰেক্টৰ ৰাকেশ ৰোশন আক্ৰান্ত কৰ্কট ৰোগতঃঋতিক ৰোশনে ধন্যবাদ জনালে প্ৰধানমন্ত্ৰী নৰেন্দ্ৰ মোডীক](http://media.assettype.com/assamese-sentinelassam%2Fimport%2Fwp-content%2Fuploads%2Fsites%2F2%2F2019%2F01%2FOn3e0joFTDIowCZ2RIPZ.jpg?w=480&auto=format%2Ccompress&fit=max)
সোনালী বেন্দ্ৰে,ইৰফান খানৰ পিছত সম্প্ৰতি কৰ্কট ৰোগত আক্ৰান্ত হৈছে অভিনেতা ঋতিক ৰোশনৰ পিতৃ ডায়ৰেক্টৰ ৰাকেশ ৰোশন (Rakesh Roshan । এই কথা মংগলবাৰে ইনষ্টাগ্ৰামৰ জৰিয়তে প্ৰকাশ কৰে ঋতৃক ৰোশনে।ঋতিক ৰোশনে কয় যে কিছু সপ্তাহৰ পূৰ্বে ৰাকেশ ৰোশনৰ কৰ্কট ৰোগৰ সম্পৰ্কে জানিব পাৰে ৷ ইফালে ইনষ্টাগ্ৰামত এখন ফ’টো শ্বেয়াৰ কৰি ঋতিক ৰোশনে লিখে যে পাপা মোৰ জীৱনৰ সকলোতকৈ শক্তিশালী লোকৰ ভিতৰত এজন ৷ তেওঁ মোৰ জীৱনৰ অনুপ্ৰেৰণা । তেওঁ চাৰ্জাৰী কৰা দিনটোতো কোনো কাম ক্ষতি হোৱাটো নিবিছাৰে ৷
অন্যহাতে, ৰাকেশ ৰোশনৰ ডিঙিৰ কৰ্কট ৰোগ(Squamous cell carcinoma of the throat) ত আক্ৰান্ত হৈছে ৷ এই কৰ্কট ৰোগ হৈছে ৬৫ বছৰতকৈ অধিক বয়সৰ লোকৰ হয়। লগতে এই ৰোগ অধিক মদ, ধুম্ৰপান কৰাৰ কাৰণে হ’ব পাৰে৷ এই কৰ্কট ৰোগ হোৱাৰ লগে লগে ডিঙিত প্ৰচণ্ড বিষ অনুভৱ হয়। আৰু এইয়া হৈছে তেওঁৰ প্ৰথম ষ্টেজ৷সম্প্ৰতি ৰাকেশ ৰোশনে মানসিক স্থিতি হেৰুৱাই পেলোৱা নাই। গতিকে তেনে এজন ব্যক্তিৰ পৰিয়ালৰ সদস্য হ’বলৈ পায় মই অত্যন্ত সুখী ৷
উল্লেখ্য যে, ঋতিক ৰোশনৰ টুইটত প্ৰধানমন্ত্ৰী নৰেন্দ্ৰ মোডীয়েও শুভকামনা জনাই কয় যে ডিয়েৰ ঋতিক, শ্ৰী ৰাকেশ ৰোশন অতি শীঘ্ৰেই সুস্থ হৈ উঠাৰ কামনা কৰিছোঁ ৷ তেওঁ এজন যোদ্ধা ৷ মোৰ বিশ্বাস, তেওঁ সাহসেৰে জীৱন যুদ্ধত অৱৰ্তীণ হ’ব । ইয়াৰ পিছতে ঋতিক ৰোশনে প্ৰধানমন্ত্ৰী নৰেন্দ্ৰ মোডীৰ শুভেচ্ছাক ধন্যবাদ জনায় টুইট কৰে যে আপোনাৰ শুভকামনাৰ কাৰণে ধন্যবাদ ৷ লগতে ৰাকেশ ৰোশনৰ চাৰ্জাৰী সুকলমে সম্পন্ন হোৱা বুলিও মন্তব্য কৰে।
ইফালে বলীউডৰ বহু চেলিব্ৰেট্ৰীৰ সম্প্ৰতি কৰ্কট ৰোগত আক্ৰান্ত হৈছে ৷তাৰ ভিতৰত ইৰফান খান, সোনালী বেন্দ্ৰে,আয়ুস্মান খুৰানাৰ পত্নী তাহিৰা অন্যতম ৷অৱশ্যে তেওঁলোক সম্প্ৰতি সুস্থ বুলি জানিব পৰা গৈছে ৷ উল্লেখ্য যে,ৰাকেশ ৰোশন জন্ম হৈছিল ১৯৪৯ চনৰ ৬ চেপ্তেম্বৰত মুম্বাইত। ৰাকেশ ৰোশনে নিজৰ বলীউড যাত্ৰা আৰম্ভ কৰে ১৯৭০ চনত মুক্তি পোৱা "ঘৰ ঘৰ কী কাহানী"ৰ জৰিয়তে ৷ তেওঁ বুনিয়াদ, খুবসুৰত,কামচোৰ আৰু ভগৱান দাদাৰ দৰে জনপ্ৰিয় ছবিত অভিনয় কৰিছিল।
ইয়াৰ পিছত ১৯৮৭ চনত ৰাকেশ ৰোশনে ডাইৰেক্সনত পদাৰ্পন কৰে ৷ ১৯৮৭ চনত তেওঁৰ ছুপাৰহিট ছবি "খুদগৰ্জ" মুক্তি লাভ কৰে ৷ ইয়াৰ পিছত খুন ভৰি মাংগ, কিংগ আংকল,কোয়লা আৰু কৰণ অৰ্জুনে মুক্তি লাভ কৰে । সকলো চলচ্চিত্ৰ প্ৰেমীৰ জ্ঞাত যে সেই ছবিসমূহে কিমান জনপ্ৰিয়তা লাভ কৰিছিল ৷ ৰাকেশ ৰোশনে পুত্ৰ ঋতিক ৰোশনক "কোহনা প্যাৰ হ্যে"ৰ জৰিয়তে অভিনয় জগতত প্ৰবেশ কৰোৱাই । ইয়াৰ পিচত "ক্ৰিছ"ৰ দৰে জনপ্ৰিয় ছবি সমূহে মুক্তি লাভ কৰে ৷ সম্প্ৰতি চলচ্চিত্ৰ প্ৰেমীসকলে তথা ৰাকেশ ৰোশনৰ অনুৰাগীসকলে সুস্থ হোৱাৰ প্ৰাৰ্থনা কৰিছে ৷
অধিক খবৰৰ বাবে : মনোৰঞ্জন