বলীউডত যেন সম্প্ৰতি বিয়াৰ ধুমুহা বৈছে ৷ কাৰণ বৰ্ষটোৰ বহুচৰ্চিত দীপিকা পাডুকন আৰু ৰণবীৰ সিঙৰ বিয়াখনৰ পিছত সদ্যহতে চৰ্চাৰ শীৰ্ষত আছে আন এখন বিয়াৰ ৷বলীউড তথা হলীউডৰ অভিনেত্ৰী প্ৰিয়াংকা চোপ্ৰা আৰু হলিউডৰ গায়ক নিক জোন্সৰ বিয়াৰ প্ৰসংগক লৈ সম্প্ৰতি চৰ্চাৰ অন্ত নোহোৱা হৈছে দুয়োগৰাকী চেলিব্ৰেটীৰ প্ৰিয়াংকা-নিকৰ অনুৰাগীসকলৰ মাজত৷ প্ৰাপ্ত তথ্য অনুসৰি প্ৰিয়াংকা নিকৰ বিয়াখন হ’ব যোধপুৰত ৷ যোধপুৰস্থিত উমেদ ভৱন পেলেচত ২ ডিচেম্বৰত অনুস্থিত হ’ব লগা বিয়াখনৰ সম্প্ৰতি প্ৰস্তুতি তুংগত উঠিছে ৷
শুক্ৰবাৰে প্ৰিয়াংকা চোপ্ৰাৰ মাতৃ মধু চোপ্ৰাই যোধপুৰত বিয়াৰ সকলো প্ৰস্তুতি নিৰীক্ষণ কৰি মুম্বাইলৈ ৰাওনা হ’ল ৷ এক সাক্ষাৎকাৰত মধু চোপ্ৰাই কয় যে,যোধপুৰ তেওঁলোকৰ কাৰণে বহুত আপোন তথা মৰমৰ ৷সেয়েহে, দেশ বিদেশৰ সকলো ঠাই পৰিৱৰ্তে যোধপুৰত প্ৰিয়াংকা নিকৰ বিয়াৰ আয়োজন কৰিছে ৷ ইফালে প্ৰিয়াংকা নিকৰ ২ডিচেম্বৰত হ’ব লগা বিয়াখনৰ কাৰ্যসূচী ৩০ নৱেম্বৰৰ পৰাই আৰম্ভ হ’ব ৷১ নৱেম্বৰত মেহেন্দী আৰু সংগীতৰ বিপৰীতে ২ নৱেম্বৰত নিক আৰু প্ৰিয়াংকাৰ বিয়াৰ আয়োজন কৰিছে৷
ইফালে ,প্ৰিয়াংকা নিকৰ বিয়াত সৰু সৰু সকলো ব্যৱস্থাৰ লগতে খাদ্য সম্ভাৰত কি কি থাকিব সেই সকলোৰে তদাৰক কৰিছে প্ৰিয়াংকাৰ মাতৃ মধু চোপ্ৰাই ৷ অন্যহাতে উমেদ ভৱন পেলেচত বিয়াৰ কাৰণে যাৱতীয় সকলো ব্যৱস্থা পৰীক্ষা কৰিবলৈ ২ অক্টোবৰত প্ৰিয়ংকা আৰু নিক জোন্স যোধপুৰত উপস্থিত হৈছিল ৷ কিন্তু ওমেদ ভৱন পেলেচত সীমিত সংখ্যক ৰুম থকাৰ কাৰণে,ভৱনটোৰ সন্দৰ্ভত একো সিদ্ধান্ত নললে প্ৰিয়ংকাই কিন্তু ইয়াৰ পিছত সেই পেলেচটোতে বিয়া পতাৰ সিদ্ধান্ত লয় প্ৰিয়ংকা চোপ্ৰা আৰু নিকে ৷ প্ৰিয়ংকা নিক জোন্সৰ বিয়াৰ সকলো ব্যৱস্থা চোৱা চিতা কৰাৰ দায়িত্ব দিয়া হৈছে তাজ গ্ৰুপক ৷
ইফালে বুলি ক’লেই মনলৈ আহিব যে,প্ৰিয়ংকাই বিয়াত কেনেধৰণৰ জুৱেলাৰী পৰিধান কৰিব ৷ এক বিশেষ সূত্ৰৰ অনুসৰি প্ৰিয়ংকাই এংগ্ৰজমেন্টৰ সকলো জু্ৱেলাৰী যোধপুৰৰ পৰাই ক্ৰয় কৰিছিল ৷ গতিকে বিয়াৰ জুৱেলাৰীসমূহ যোধপুৰৰ পৰা ক্ৰয় কৰিব পাৰে প্ৰিয়ংকাই ৷ উল্লেখ্য যে,প্ৰিয়ংকা নিকৰ বিয়াৰ আয়োজন কৰা ঐতিহাসিক ভৱনটোত বিজনেছ টাইকন অৰুণ নায়ৰে হলীউদৰ মডেল তথা অভিনেত্ৰী এলিজাবেথ হৰ্লেৰ লগত বিবাহ অনুষ্ঠান অনুষ্ঠিত কৰিছিল ৷ ইয়াৰ পিছত প্ৰিয়াংকা নিকৰ হলীউড বলীউডৰ বিয়াৰ আয়োজন চলিছে ৷ য’ত উপস্থিত থাকিব হলীউডৰ লগতে বলীউডৰ বহু অভিনেতা অভিনেত্ৰী ৷
উল্লেখ্য যে,হলীউড তথা বলীউডৰ অভিনেত্ৰী প্ৰিয়াংকা চোপ্ৰাৰ প্ৰেমক লৈ বিয়ালৈ চৰ্চা ৰ যেন অন্ত নপৰিব অনুৰাগীসকলৰ মাজত। প্ৰায়ে প্ৰিয়ংকাৰ প্ৰেম,ষ্টাইল,গ্লেমাৰ আদি সকলোবোৰ চৰ্চা শীৰ্ষত থাকে ৷ প্ৰিয়ংকাতকৈ ১০ বছৰ সৰু হলীউডৰ গায়ক নিক জোন্সৰ লগত হোৱা প্ৰেম সম্পৰ্কত বাৰুকৈয়ে সমালোচনাৰ সন্মুখীন হৈছিল প্ৰিয়াংকা ৷ অন্যহাতে বলীউডৰ লগতে হলীউডৰ ছবিতো নিজৰ স্থান দখল কৰিবলৈ সক্ষম হৈছে প্ৰিয়াংকা৷ সৰু পৰ্দাৰ জনপ্ৰিয় চিৰিয়েল কুৱান্টিক’ ত অভিনয়েৰে প্ৰিয়াংকা চোপ্ৰাই হলীউডৰ প্ৰেমীৰ অতি চিনাকী হৈ পৰে ৷ কিন্তু সকলো সমালোচনাৰ অন্ত পেলাই ২ ডিচেম্বৰত বিবাহ পাশত আৱদ্ধ হ’ব প্ৰিয়াংকা চোপ্ৰা আৰু নিক জোন্স ৷ আমিও বিচাৰিছো প্ৰিয়াংকা আৰু নিকৰ সংসাৰ সুখৰ হওঁক ৷
অন্য খবৰৰ বাবে পঢ়ক: মনোৰঞ্জন
