ৰাজ্যৰ বান পৰিস্থিতি উন্নত হ'লেও আক্ৰান্ত হৈ আছে ১২ হেজাৰ লোক
ক্ৰমে অধিক উন্নতি ঘটিছে অসমৰ বান পৰিস্থিতিৰ৷ তৎসত্বেও প্ৰায় ২৩হেজাৰ লোক বানত আক্ৰান্ত হৈয়ে আছে ৷ বাৰিষাৰ আৰম্ভণীতে হোৱা বছৰটোৰ এই প্ৰথম বানত ১০জন লোকৰ মৃত্যু হয় ৷ আনহাতে, বানৰ পানী শুকাবলৈ ধৰিলেও গোৱালপাৰা, লখিমপুৰ আৰু ধেমাজি জিলাৰ ১৫খন গাঁৱৰ জিলাৰ ১২,৯০৪জন লোক বৰ্তমানেও আক্ৰান্ত হৈ আছে ৷ ইপিনে, অস্থায়ী আশ্ৰয় শিবিৰত অংশ লোৱা অধিকাংশ লোকেই ঘৰমুৱা হৈছে ৷ শেহতীয়া এই বানত বহু প্ৰাণীও ক্ষতিগ্ৰস্ত হয় ৷ ক্ষতিগ্ৰস্ত প্ৰাণীসমূহৰ ১, ৪০৫টা বৃহৎ, ৬৩৭টা সৰু আৰু ১, ৭৮২টা পক্ষীজাতীয় প্ৰাণী ৷ এই বানত আন্তঃগাঁথনিৰো বৃহৎ ক্ষতিসাধন ঘটে ৷ ডিব্ৰুগড়ত মথাউৰিৰ, কৰিমগঞ্জ জিলাত তিনিটা পথৰ আৰু বাগসা জিলাত এখন দলঙৰ ক্ষতিসাধন হয় ৷ তদুপৰি ডিব্ৰুগড়ৰ এক অঞ্চল খহনীয়াৰ কবলত পৰিছে। এই খহনীয়াত ৫১০জন লোক ক্ষতিগ্ৰস্ত হৈছে ।জিলাখনৰ চাবুৱাত ১৩৬জন লোকে খহনীয়াৰ কবলত পৰি আশ্ৰয় শিবিৰত ভৰ্তি হৈছে ৷ একেদৰে বিশ্বনাথৰো এক অংশ খহনীয়াৰ কবলত পৰিছে।
