ক্ৰমে মহামাৰী সৃষ্টিকাৰী ক'ৰ'না ভাইৰাছৰ ৰম্যপুৰীত পৰিণত হোৱাৰ দিশে অগ্ৰসৰ হৈছে গুৱাহাটীৰ পাণ্ডু অঞ্চল। শেহতীয়াকৈ প্ৰাপ্ত তথ্য অনুসৰি পাণ্ডুৰু ৫০ জন ক'ৰ'না চিনাক্ত কৰা হৈছে। স্বাস্থ্য বিভাগৰ তথ্য অনুসৰি পাণ্ডুৰ কামাখ্যা কলনী অঞ্চলত যোৱা ২৪ ঘণ্টাত ৫০ জন ক'ৱিড-১৯ আক্ৰান্ত চিনাক্ত কৰা হৈছে।লক্ষ্যণীয় যে ক'ৱিড-১৯ আক্ৰান্ত এইসকল ব্যক্তিৰ অধিকাংশৰে ভ্ৰমণ ইতিহাস নাই। ইয়ে গুৱাহাটীত ক'ৰ'নাৰ গণ সংক্ৰমণ ঘটাৰ আশংকা প্ৰকট কৰিছে। সম্প্ৰতি অঞ্চলটোৰ ৰাইজৰ মাজত আতংক বিৰাজ কৰি আছে।
