![সুস্থ হ'লঃ ৰাজ্যত আৰু ১১৭ গৰাকী ক'ৰ'না ৰোগীক চিকিৎসালয়ৰ পৰা অব্যাহতি](http://media.assettype.com/assamese-sentinelassam%2Fimport%2Fh-upload%2F2020%2F06%2F22%2F138722-2053.webp?w=480&auto=format%2Ccompress&fit=max)
ৰাজ্যত ক'ৰ'না আক্ৰান্ত বৃদ্ধি পোৱাৰ সমান্তৰালভাবে এই মহামাৰীৰ পৰা সুস্থ হোৱা লোকৰ সংখ্যাও বৃদ্ধি পাইছে। আজি সোমবাৰে আৰু ১১৭গৰাকী ক'ৰ'না আক্ৰান্তক চিকিৎসালয়ৰ পৰা ঘৰলৈ যাবলৈ দিয়া হয় ৷ এইসকল ক'ৰ'না ৰোগী আৰোগ্য হৈছে ৷ এই ১১৭গৰাকী ক'ৰ'না আক্ৰান্তক চিকিৎসালয়ৰ পৰা যাবলৈ দিয়াৰ লগে লগে অসমত ক'ৰ'না ৰোগীৰ আৰোগ্যৰ হাৰ ৬৩.৩ শতাংশ হয় ৷ এই কথা সদৰী কৰি স্বাস্থ্য মন্ত্ৰী হিমন্ত বিশ্ব শৰ্মাই কয় যে সম্প্ৰতি ৰাজ্যত শৰীৰত ক'ৰ'না ভাইৰাছ সক্ৰিয় হৈ থকা ৰোগীৰ সংখ্যা ২, ০৫৩জনলৈ হ্ৰাস পাইছে ৷ ইয়াৰ বিপৰীতে সম্প্ৰতি ৰাজ্যত ৩, ৫২১জন ৰোগী সুস্থ হৈছে ৷ আনহাতে, এই পৰ্যন্ত ৰাজ্যত ৯ জন ক'ৰ'না ৰোগী মৃত্যুমুখত পৰিছে ৷ আজি ৰাজ্যত ১১৭ ক'ৰ'না ৰোগীক সুস্থ হোৱাৰ পৰিপ্ৰেক্ষিতত চিকিৎসালয়ৰ পৰা যাবলৈ দিয়াৰ কথা সদৰী কৰি এটা টুইটত স্বাস্থ্য মন্ত্ৰী শৰ্মাই কয়, " জানিব পাৰি সুখী হৈছো যে অসমৰ বিভিন্ন জিলা চিকিৎসালয়, আদৰ্শ চিকিৎসালয় আদিৰ পৰা আজি আৰু ১১৭গৰাকী ক'ৰ'না ৰোগীক যাবলৈ দিয়া হৈছে ৷ শেহতীয়া পৰীক্ষাত এইসকল ক'ৰ'না নিগেটিভ হ'ল ৷"
আৰু পঢ়িব পাৰেঃ ক'ৰ'নাৰ পৰা আক্ৰান্তৰ হাৰঃ দেশৰ তিনি শীৰ্ষ ৰাজ্যৰ মাজত অসম