অসমত ক'ৰ'না আক্ৰান্তৰ সংখ্যা ৯৩৫লৈ বৃদ্ধিঃ ছয় বিমানযাত্ৰীসহ আৰু ২৫জন পজিটিভ চিনাক্ত
অসমত ক'ৰ'না মহামাৰীজনিত পৰিস্থিতিৰ অধিক অৱনতি ঘটিছে। নিতৌ আক্ৰান্তৰ সংখ্যা দ্ৰুতগতিত বৃদ্ধি পাইছে ৷ আজি নতুনকৈ আৰু ২৫ জন ক'ৰ'না মহামাৰীত আক্ৰান্ত চিনাক্ত কৰা হয়।
ফলত ৰাজ্যত এই পৰ্যন্ত মুঠ ক'ৰ'না আক্ৰান্তৰ সংখ্যা ৯৩৫ জনলৈ বৃদ্ধি পাইছে । এই কথা সদৰী কৰিছে স্বাস্থ্য মন্ত্ৰী হিমন্ত বিশ্ব শৰ্মাই । মন্ত্ৰী শৰ্মাই প্ৰকাশ কৰা অনুসৰি এই নতুন ২৫ ক'ৰ'না আক্ৰান্তৰ ১১ জন কামৰূপ মহানগৰৰ, আঠজন হোজাইৰ আৰু ছজন বিমানযাত্ৰী। ফলত সম্প্ৰতি ৰাজ্যত সক্ৰিয় ক'ৱিড পজিটিভ লোকৰ সংখ্যা ৮১৯ হৈছে ৷
