চৌদিশে ক'ৰ'না ভাইৰাছৰ সংক্ৰমণ উদ্বেগজনকভাবে বৃদ্ধি পাইছে৷। বহু বয়স্ক তথা জ্যেষ্ঠ নাগৰিকো এই মহামাৰীত আক্ৰান্ত হৈছে ৷ ইয়াৰে বহুজনৰ শৰীৰত ক'ৰ'নাৰ অগতানুগতিক লক্ষণ ফুটি উঠিছে ৷ এনে গতানুগতিক লক্ষণে অৱস্থা অধিক জটিল কৰি তোলে ৷ ইয়ে চিকিৎসকসকলক সমস্যাৰ সন্মুখীন কৰাইছে।
এই সম্পৰ্কত গুৱাহাটী চিকিৎসা মহাবিদ্যালয় হাস্পতালৰ এজন চিকিৎসকে কয়, "ক'ৰ'নাৰ সংক্ৰমণ ঘটিলে জ্বৰ বা নেৰানেপেৰা কাহত এজন ব্যক্তি ভোগে ৷ উশাহ চুটি হয়। কিন্তু বয়স্ক ব্যক্তিৰ ক্ষেত্ৰত এনে কোনো লক্ষণ ফুটি নুঠিব পাৰে ৷ এনে ব্যক্তি মূৰ ঘূৰাই পৰি যাব পাৰে। চাৰিওকাষৰ ঘটনাৰ প্ৰতি উদাসীন হ'ব পাৰে বা বিভ্ৰান্তিত ভুগিব পাৰে ৷ মাজে সময়ে কথা ক'বলৈ এৰিব পাৰে আৰু বাগৰি পৰিব পাৰে ৷" এনে গতানুগতিক লক্ষণ ফুটি উঠাৰ কাৰণ বয়স বৃদ্ধি বুলিও তেওঁ মন্তব্য কৰে ৷
চিকিৎসকজনে আৰু কয় যে বয়স বৃদ্ধিৰ ফলত দেহৰ ৰোগ প্ৰতিৰোধ ক্ষমতা হ্ৰাস পাব পাৰে আৰু দেহে শৰীৰৰ তাপমাত্ৰা নিয়ন্ত্ৰণত ৰাখিব নোৱাৰিব পাৰে ৷ বয়স্ক ব্যক্তিৰ ৰোগ প্ৰতিৰোধ ক্ষমতা সুকীয়া হয় বুলিও তেওঁ মতপোষণ কৰি তেওঁ সকলোকে অত্যন্ত সতৰ্ক হবলৈ আহ্বান জনায়।
আৰু পঢ়িব পাৰেঃ এশ কোটিক লৈ বিতৰ্কঃ সাংসদ ওজাক প্ৰত্যাহ্বান কাগজ কলৰ কৰ্মীৰ
