![ক'ৰ'নিলঃ প্ৰচাৰ বন্ধ কৰি পটঞ্জলীক সবিশেষ জনাবলৈ নিৰ্দেশ কেন্দ্ৰৰ](http://media.assettype.com/assamese-sentinelassam%2Fimport%2Fh-upload%2F2020%2F06%2F23%2F139023-coronil.webp?w=480&auto=format%2Ccompress&fit=max)
বিশ্বজুৰি ত্ৰাসৰ সৃষ্টি কৰা ক'ৰ'না ভাইৰাছ নাশক ঔষধ উদ্ভাৱন কৰা বুলি যোগগুৰু বাবা ৰামদেৱৰ পটঞ্জলী প্ৰতিষ্ঠানে চলোৱা প্ৰচাৰে আজি সমগ্ৰ দিন ধৰি ব্যাপক চৰ্চা লাভ কৰে ৷ কিন্তু কেন্দ্ৰীয় চৰকাৰে প্ৰতিষ্ঠানটোক প্ৰচাৰ বন্ধ কৰি উদ্ভাৱন কৰা ক'ৰ'না প্ৰতিৰোধক ঔষধবিধৰ সবিশেষ জনাবলৈ পটঞ্জলীলৈ নিৰ্দেশ জাৰি কৰিছে ৷ পটঞ্জলীয়ে উদ্ভাৱন কৰা এই ঔষধবিধৰ নাম ক'ৰ'নিল ৷ কেন্দ্ৰীয় আয়ুস মন্ত্ৰালয়ে আজি পটঞ্জলীলৈ এই নিৰ্দেশ জাৰি কৰি যিমান সোনকালে সম্ভৱ হয়, সিমান সোনকালে ঔষধবিধৰ সবিশেষ জনাবলৈ নিৰ্দেশ দিছে ৷ এক জাননীত আয়ুস মন্ত্ৰালয়ে ঔষধ গঠন বা উপাদানৰ বিষয়ে জনাবলৈ নিৰ্দেশ দিছে । তদুপৰি ক'ত গৱেষণা কৰি এই ষষধ উদ্ভাৱন কৰিলে, সেই বিষয়েও জনাবলৈ প্ৰতিষ্ঠানটোক আয়ুস মন্ত্ৰালয়ে নিৰ্দেশ দিছে।