ভাৰতৰ পুৰণি পৰম্পৰাক ভংগ কৰি বিত্তমন্ত্ৰী নিৰ্মলা সীতাৰমন ব্ৰীফকেছৰ পৰিৱৰ্তে এটি ৰঙা মোনাত বাজেট লৈ উপস্থিত হ’ল সংসদত ৷ লগতে পৰিৱৰ্তন হ’ল কেন্দ্ৰীয় বাজেটৰ নাম ৷ উপস্থিত হৈয়ে বিত্ত মন্ত্ৰী নিৰ্মলা সীতাৰমনে বাজেটক নিউ ইণ্ডিয়াৰ বহী খাতা বুলি উল্লেখ কৰিলে ৷ ইফালে ব্ৰিফ কেছৰ পৰিৱৰ্তে ৰঙা মোনাত বাজেট লৈ অহাৰ প্ৰসংগত অৰ্থনৈতিক উপদেষ্টা কৃষ্ণমূৰ্তি সুব্ৰমণিয়ামে কয় যে এইয়া হৈছে ভাৰতীয় পৰম্পৰা ৷ পাশ্চাত্যৰ পৰা মুকলি হৈ অহাৰ প্ৰতীক ৷ এইখন বাজেট নহয় ৷বহী খাতাহে ৷
বাজেট ভাষণৰ আৰম্ভনিতে বিত্তমন্ত্ৰী নিৰ্মলা সীতা ৰমনে কয় যে এইবাৰ জনতাই একক সংখ্যা গৰিষ্ঠতাৰে চৰকাৰ গঠন কৰিছে ৷ প্ৰথমবাৰ মহিলা,যুৱ প্ৰজন্ম আৰু বয়োজ্যেষ্ঠ্যসকলে ভাল কাম কৰা চৰকাৰৰ ওপৰত ভৰসা কাৰিছে ৷ইফালে সংসদত বাজেট উত্থাপন কৰি বিত্ত মন্ত্ৰী নিৰ্মলা সীতা ৰমনে কয় যে দেশ সম্প্ৰতি চৌকাৰ ধোৱাঁৰ পৰা মুক্ত হৈছে ৷ দেশত আন্তঃগাঁথনিৰ ওপৰত অধিক গুৰুত্ব দিয়া প্ৰয়োজন ৷ ভাৰতত সম্প্ৰতি নিয়োগৰ সৃষ্টি হৈছে ৷ উড়ান আঁচনিৰ দ্বাৰা সৰু সৰু চহৰে বিমান সেৱা লাভ কৰিছে ৷
সম্প্ৰতি দেশত গাঁও আৰু চহৰৰ পাৰ্থক্য হ্ৰাস কৰি অনা হৈছে বুলি মন্তব্য কৰে বিত্ত মন্ত্ৰী সীতাৰমণে ৷ ২১০ কিঃমিঃ অতিৰিক্ত মেট্টং লাইন নিৰ্মাণ হৈছে ৷ ৰেল বিভাগৰ উন্নয়নৰ কাৰণে প্ৰায় ৫০ লাখ কোটিৰ প্ৰয়োজন বুলি মন্তব্য কৰে বিত্তমন্ত্ৰী গৰাকীয়ে ৷ জল পৰিবহন আৰু উন্নত হোৱাৰ কথাও উল্লেখ কৰে সীতাৰমণে ৷দেশৰ সবাতোকৈ চৰ্চিত বিদ্যুৎ বিভাগৰ প্ৰসংগত বিত্ত মন্ত্ৰী গৰাকীয়ে কয় যে ২০২০ চনলৈকে প্ৰতিঘৰত বিজুলী, গেছ আৰু খোৱাপানীৰ সংযোগ কৰা হ’ব ৷
আৰ্থিকভাৱে দুৰ্বল লোকসকলক বাস গৃহ নিৰ্মাণ প্ৰসংগত মন্ত্ৰী গৰাকীয়ে কয় ১১৪ দিনত চৰকাৰে ঘৰ নিৰ্মাণ কৰি দিছে ৷ দুখীয়াক ১.৯২ কোটি ঘৰ দিয়া হ’ব৷ অন্যহাতে এইবাৰ বাজেটৰ কেন্দ্ৰ বিন্দু হৈছে গাঁও,দুখীয়ালোকসকল আৰু কৃষক ৷ সীতাৰমনে পথ নিৰ্মাণ প্ৰসংগত কয় যে প্ৰধানমন্ত্ৰী গ্ৰাম সড়ক যোজনাৰ অন্তৰ্গতত প্ৰতি দিনে ১৩০-১৩৫ কিলো’মিটাৰ পথ নিৰ্মাণ হৈ আছে ৷ লগতে সংসদত দেশত ক্ৰমাৎ বৃদ্ধি পায় অহা প্ৰদূষণৰ সন্দৰ্ভত প্ৰতিক্ৰিয়া নিৰ্মলা সীতা ৰমনৰ ৷
দেশখনক প্ৰদূষণ মুক্ত হিছাপে গঢ়াৰ লক্ষ্য নিৰ্মলা সীতা ৰমনৰ৷ইফালে অনাগত বছৰৰ ভিতৰত ভাৰতক ৫ ত্ৰিলিয়ন ডলাৰ অৰ্থনীতিৰ দেশ কৰাৰ লক্ষ্য সন্দৰ্ভত মন্তব্য সীতাৰমনৰ ৷ বাজেটত বিত্ত মন্ত্ৰীয়ে ক্ষুদ্ৰ আৰু মজলীয়া উদ্যোগ স্থাপনৰ কাৰণে ৫৯ মিনিটত ঋণৰ মঞ্জুৰী দিয়া হ’ব বুলি উল্লেখ কৰে। লগতে ৩ কোটিতকৈ ক্ষুদ্ৰ ব্যৱসায়ীক পেঞ্চন দিয়াৰ কথাও উল্লেখ কৰে ।
ইফালে উচ্চ শিক্ষা প্ৰতিষ্ঠানলৈ ৪০০ কোটি টকাৰ সাহাৰ্য প্ৰদান কৰিব কেন্দ্ৰীয় চৰকাৰে ৷ বিদেশী ছাত্ৰৰ কাৰণে ষ্টাডী ইন ইণ্ডিয়া প্ৰ’গ্ৰামৰ ব্যৱস্থা হ’ব ৷লগতে মহিলা সকলৰ বাবে বিশেষ পদক্ষেপ বাজেটত ৷ মহিলাৰ বাবে পৃথকে এক লাখ টকাৰ লোণৰ ব্যৱস্থা কৰা হ’ব ৷
