ক্ৰমে ৰাজ্যৰ বান পৰিস্থিতি উন্নতঃ ৫৮খন গাঁৱৰ ৪৮ হেজাৰ লোক ক্ষতিগ্ৰস্ত
ক্ৰমে অসমৰ বান পৰিস্থিতি উন্নত হৈছে। বাৰিষাৰ আৰম্ভণীতে বছৰটোৰ এই প্ৰথম বানত ১০জন লোকৰ মৃত্যু হয় ৷ আনহাতে, বানৰ পানী শুকাবলৈ ধৰিলেও পাঁচখন জিলাৰ৫৮ খন গাঁৱৰ ৪৮,৭৮৩জন লোক ক্ষতিগ্ৰস্ত হৈছে ৷ এই জিলাকেইখন হ'ল গোৱালপাৰা, ধেমাজি, লখিমপুৰ, হোজাই আৰু কাচাৰ জিলা ৷ ইপিনে, অস্থায়ী আশ্ৰয় শিবিৰত অংশ লোৱা অধিকাংশ লোকেই ঘৰমুৱা হৈছে ৷ অৱশ্যে ১, ৫৪২জন বান ক্ষতিগ্ৰস্ত বৰ্তমানেও অস্থায়ী আশ্ৰয় শিবিৰতে আছে ৷ একেদৰে বৰ্তমানেও ধেমাজি, গোৱালপাৰা আৰু হোজাই জিলাত ৫, ৭৯৫হেক্টৰ ভূমি বানৰ পানীৰ তলতে আছে ৷ এই বানত প্ৰাণীও ক্ষতিগ্ৰস্থ হয় ৷ ক্ষতিগ্ৰস্ত প্ৰাণীসমূহৰ ১, ৪০৫টা বৃহৎ, ৬৩৭টা সৰু আৰু ১, ৭৮২টা পক্ষীজাতীয় প্ৰাণী ৷ এই বানত আন্তঃগাঁথনিৰো বৃহৎ ক্ষতিসাধন ঘটে ৷ ডিব্ৰুগড়ত মথাউৰিৰ, কৰিমগঞ্জ জিলাত তিনিটা পথৰ আৰু বাগসা জিলাত এখন দলঙৰ ক্ষতিসাধন হয় ৷ তদুপৰি ডিব্ৰুগড়ৰ এক অঞ্চল খহনীয়াৰ কবলত পৰিছে। এই খহনীয়াত ৫১০জন লোক ক্ষতিগ্ৰস্ত হৈছে ।জিলাখনৰ চাবুৱাত ১৩৬জন লোকে খহনীয়াৰ কবলত পৰি আশ্ৰয় শিবিৰত ভৰ্তি হৈছে ৷ একেদৰে বিশ্বনাথৰো এক অংশ খহনীয়াৰ কবলত পৰিছে।
আৰু পঢ়িব পাৰেঃ হ'ম কোৱাৰেণ্টিনত থকাৰ সময়তে বকলীয়াঘাটৰ ব্যক্তিৰ মৃত্যু