বিশ্বজুৰি ত্ৰাসৰ সৃষ্টি কৰা ক'ৰ'না মহামাৰীত আক্ৰান্ত হ'ল পাকিস্তান ক্ৰিকেট দলৰ প্ৰাক্তন কেপ্টেইন শ্বাহিদ আফ্ৰিদী ৷ প্ৰাক্তন ক্ৰিকেট খেলুৱৈজনে এই কথা নিজেই সদৰী কৰিছে৷ এটা টুইটত আফ্ৰিদীয়ে কয়, " বৃহস্পতিবাৰৰ পৰা মই অসুস্থ অনুভৱ কৰি আছো। মোৰ শৰীৰ বৰ বিষাইছিল। মোৰ নমুনা পৰীক্ষা কৰা হয় আৰু এই নমুনা পৰীক্ষাত মই ক'ৱিড-১৯পজিটিভ হৈছো ৷ দ্ৰুত আৰোগ্যৰ বাবে মোক প্ৰাৰ্থনাৰ প্ৰয়োজন হৈছে "৷ ইয়াৰ পূৰ্বে আফ্ৰিদীৰ সতীৰ্থ ক্ৰিকেটাৰ তৌফিক ওমৰ আৰু জাফৰ ছৰফৰাজ ক'ৰ'না মহামাৰীত আক্ৰান্ত হয় ৷ উল্লেখ্য যে আফ্ৰিদী এনে এক সময়ত এই মহামাৰীত আক্ৰান্ত হ'ল, যি সময়ত তেওঁৰ ফাউণ্ডেচনে ক'ৰ'না আক্ৰান্ত লোকক সাহায্য যোগানৰ কাম কৰি আছে ৷
শ্বাহিদী আফ্ৰিদী ফাউণ্ডেচনৰ জৰিয়তে প্ৰাক্তন ক্ৰিকেটাৰজনে ক'ৰ'না আক্ৰান্তলৈ সাহায্য আগবঢ়াই আহিছে ৷ গনেদৰে তেওঁ সামাজিক কাম-কাজত মনোনিৱেশ কৰিছে ৷ তেওঁ এই ফাণ্ডেচনলৈ দান-বৰঙণি আগবঢ়াবলৈ অনুৰোধ জনাই দুই প্ৰাক্তন ভাৰতীয় ক্ৰিকেটাৰ হৰভজন সিং আৰু যুৱৰাজ সিঙক টুইট কৰিবলৈ অনুৰোধ জনাইছিল । তদুপৰি যোৱা মে'ত তেওঁ প্ৰাক্তন বাংলাদেশী উইকেটকীপাৰ মুছফিকুৰ ৰহমানৰ এখন ক্ৰিকেট বেট নিলামত ক্ৰয় কৰিছিল ।ইয়াৰ উদ্দেশ্য আছিল ক'ৱিড-১৯ৰ বিৰুদ্ধে যুঁজৰ বাবে পুঁজি সংগ্ৰহ কৰা ৷ আন্তঃজাতিক ক্ৰিকেট কাউঞ্চিলৰ মতে, এই বেটখন আফ্ৰিদীয়ে ২০হেজাৰ ডলাৰত ক্ৰয় কৰে ৷
আৰু পঢ়িব পাৰেঃ ঋতুপৰ্ণ পেগু হত্যাৰ চি আই ডি তদন্তৰ নিৰ্দেশ মুখ্যমন্ত্ৰীৰ
