তৃতীয় পৰ্যায়ৰ আনল'কঃ প্ৰত্যাহাৰ হ'ব নৈশ কাৰ্ফিউ, কেন্দ্ৰৰ নতুন নিৰ্দেশনা
অহা ১ আগষ্টৰ পৰা দেশত তৃতীয় পৰ্যায়ৰ আনলক বা তলাখোলা পৰ্যায় আৰম্ভ হব। ইয়াৰ প্ৰাক-মূহৰ্তত কেন্দ্ৰীয় গৃহ মন্ত্ৰীলয়ে এলানি নতুন নীতি-নিৰ্দেশনা জাৰি কৰিছে।এই নীতি-নিৰ্দেশনাসমূহ কণ্টেইনমেণ্ট জ'নৰ বাহিৰত প্ৰযোজ্য হব। বিভিন্ন ৰাজ্য চৰকাৰ আৰু কেন্দ্ৰীয়শাসিত অঞ্চলসমূহৰ প্ৰশাসনৰ মতামত অনুসৰি কেন্দ্ৰীয় গৃহ মন্ত্ৰালয়ে এই নতুন নীতি-নিৰ্দেশনাসূচী প্ৰস্তুত কৰিছে। এই নতুন নীতি-নিৰ্দেশনাসমূহ নিম্নোক্ত ধৰণৰ হবঃ
১) সাধাৰণ লোকৰ নৈশ চলন-ফুৰণত নিষেধাজ্ঞা প্ৰত্যাহাৰ হব।
২) ৫ আগষ্টৰ পৰা যোগ প্ৰতিষ্ঠান আৰু ব্যায়ামাগাৰসমূহ মুকলি হব। অৱশ্যে সামাজিক দূৰত্ব বৰ্তাই ৰাখিব লাগিব।
৩) স্কুল-কলেজকে ধৰি সকলো শিক্ষানুষ্ঠান অহা ৩১ আগষ্টলৈকে বন্ধ থাকিব।
৪) চিনেমা হল, ছুইমিং পুল, বিনোদন উদ্যান, থিয়েটাৰ, প্ৰেক্ষাগৃহ, বাৰ আদি বন্ধ থাকিব ।
৫) সামাজিক-ৰাজনৈতিক, ক্ৰীড়া সমাৰোহ, আমোদ-প্ৰমোদৰ উত্সৱ, সাংস্কৃতিক অনুষ্ঠান আদি বন্ধ থাকিব।
আৰু পঢ়িব পাৰেঃ ক'ৰ'নাৰ ৰম্যপুৰীত পৰিণত বশিষ্ট আৰক্ষী থানা !
