অপাৰেচন সমুদ্ৰ সেঁতুঃ তলাবন্ধত ইৰানত আবদ্ধ ভাৰতীয় লোকক উদ্ধাৰ অভিযান আৰম্ভ
ক'ৰ'না মহামাৰীঅপাৰেচন প্ৰতিৰোধৰ উদ্দেশ্যে তলাবন্ধ ঘোষণা কৰাৰ ফলত বিশ্বৰ কে'বাখনো দেশৰ লগতে ইৰানতো আবদ্ধ হৈ পৰে বহু ভাৰতীয় লোক ৷ শেহতীয়াভাবে কুৱেইট, ৰাছিয়াৰ মস্কো আৰু ইউক্ৰেইনত আবদ্ধ ভাৰতীয় লোকক বিশেষ বিমানেৰে উদ্ধাৰ কৰাৰ পাছত ইৰানত আবদ্ধ ভাৰতীয় লোকক উদ্ধাৰ কৰিছে ভাৰত চৰকাৰে ৷ চৰকাৰী তথ্য অনুসৰি সমুদ্ৰ সেঁতু অভিযানৰ অংশস্বৰুপে ভাৰতীয় নৌ সেনাৰ বিশেষ জাহাজেৰে পাৰস্য উপসাগৰীয় ইছলামিক দেশখনত আবদ্ধ এইসকল ভাৰতীয় লোকক উদ্ধাৰ কৰা হ'ব ৷ এই ভাৰতীয় লোকসকলক ইৰানৰ আব্বাছ সাগৰীয় বন্দৰৰ পৰা নৌ-সেনাৰ শৰদুল জাহাজে উদ্ধাৰ কৰিব ৷ তেওঁলোকৰ গুজৰাটৰ পোৰবন্দৰলৈ অনা হ'ব ৷ চৰকাৰী সূত্ৰই প্ৰকাশ কৰা অনুসৰি ইৰানত আবদ্ধ ভাৰতীয় লোকসকলৰ তালিকা প্ৰস্তুত কৰিছে তেহৰানস্থিত ভাৰতীয় দূতাবাসে ৷ উল্লেখ্য যে ইয়াৰ পূৰ্বে শ্ৰীলংকা আৰু মালদ্বীপত আবদ্ধ ২, ৮৭৪জন ভাৰতীয় লোকক উদ্ধাৰ কৰা হয় ৷ এইসকল লোকক উদ্ধাৰ কৰা সময়ত গ্ৰহণ কৰা ব্যৱস্থাৰ লেখীয়াকৈ ইৰানত আবদ্ধ লোকসকলৰ ক্ষেত্ৰটো জাহাজৰ ভিতৰত সামাজিক দূৰত্ব বজাই ৰখাৰ নিয়ম পালন আখৰে আখৰে কৰা হ'ব বুলি চৰকাৰী সূত্ৰই প্ৰকাশ কৰিছে ৷
