ক'ৰ'না ভাইৰাছ অতি সংক্ৰামক হোৱাৰ পাছতো সচেতন হোৱা নাই বহু লোক ৷ এই ক্ষেত্ৰত বিগত তিনি মাহ ধৰি ব্যাপক প্ৰচাৰলৈও একাংশ লোকে মুঠেই কৰ্ণপাত কৰা নাই ৷ ইয়াৰ উদাহৰণ শেহতীয়াভাবে যোৰহাটত পোৱা গৈছে ৷ কিছুদূন পূৰ্বে এজন যুৱকে এখন বিয়ালৈ গৈ তাত একাংশ বন্ধুৰ সৈতে ছেল্ফী তোলাৰ পাছতে যুৱকজনৰ শৰীৰত ক'ৰ'না ভাইৰাছৰ উপস্থিতি ধৰা পৰে ৷ প্ৰাপ্ত তথ্য অনুসৰি যোৰহাটৰ সোণাৰি গাঁৱৰ এক নম্বৰ ৱাৰ্ডৰ এজন যুৱক অলপতে বিয়ালৈ যায় ৷ বিয়া ঘৰত তেওঁ বন্ধুবৰ্গৰ সৈতে হাঁহি-ধেমালি কৰি ইখনৰ পাছত সিখন ছেল্ফী তোলে ৷ কিন্তু ঘৰলৈ অহাৰ পাছত তেওঁ অসুস্থ হৈ পৰে ৷ সেই সূত্ৰে তেওঁ যোৰহাট চিকিৎসা মহাবিদ্যালয় হাস্পতাললৈ স্বাস্থ্য পৰীক্ষা কৰাবলৈ যায় ৷ পাছত তাত কৰা নমুনা পৰীক্ষাত যুৱকজনৰ শৰীৰত ক'ৰ'না ভাইৰাছ ধৰা পৰে ৷ শনিবাৰে তেওঁৰ নমুনা পৰীক্ষাৰ প্ৰতিবেদন প্ৰকাশ পায় ৷
ইয়াৰ লগে লগে জিলা প্ৰশাসন তৎপৰ হৈ উঠি যুৱকজনৰ ঘৰৰ ওচৰ-পাঁজৰৰ স্থান ছীল কৰে ৷ আনহাতে, যুৱক ক'ৰ'নাত আক্ৰান্ত হোৱাটো নিশ্চিত হোৱাত স্থানীয় ৰাইজৰ মাজত আতংকৰ সৃষ্টি হৈছে ৷
আৰু পঢ়িব পাৰেঃ কৰ্তব্যৰত অৱস্থাতে ক'ৰ'নাত আক্ৰান্ত হ'ল অসম আৰক্ষীৰ আঠজন লোক
