শ্ৰমিক বিশেষ ৰেলৰ যাত্ৰীসকলক ৫.১০ লাখৰ খাদ্য যোগান এন এফ ৰেলৱেৰ
যোৱা ১ মে'ৰ পৰা দেশৰ বিভিন্ন প্ৰান্তৰ পৰা শ্ৰমিক বিশেষ ট্ৰেইনে ৰাজ্য চৰকাৰৰ অনুৰোধত গৃহ মন্ত্ৰালয়ৰ নীতি-নিৰ্দেশ মৰ্মে যাত্ৰী পৰিবহন কৰি আছে ।
কেৱল ৰাজ্য চৰকাৰৰ তালিকাভূক্ত যাত্ৰী সকলেহে এই ট্ৰেইনত ভ্ৰমণ কৰিব পাৰে । দেশৰ বিভিন্ন ঠাইৰ পৰা শুকুৰবাৰলৈ প্ৰায় ৮৫ খন শ্ৰমিক স্পেচিয়েল ট্ৰেইনৰ দ্বাৰা উত্তৰ পূৰ্বাঞ্চলৰ বিভিন্ন ৰাজ্য যেনে মণিপুৰ, মিজোৰাম , অসম , ত্ৰিপুৰালৈ প্ৰায় ১,৩০,০০০ লোক আহিছে । ইয়াৰ প্ৰায় সংখ্যক লোক ছাত্ৰ ছাত্ৰী, ৰোগী ,শ্ৰমিক আৰু তেওঁলোকৰ পৰিয়ালবৰ্গ।
এই ট্ৰেইনৰসমূহৰ যাত্ৰীয়ে যাতে খাদ্য পানীৰ অভাৱ নাপায় সেয়া সুনিশ্চিত কৰিছে উত্তৰ-পূব সীমান্ত (এন এফ ৰেল)ৱেই । ৭ মে'ৰ পৰা ৫ জুনলৈ বিভিন্ন স্থানত শ্ৰমিক বিশেষ ট্ৰেইনৰ যাত্ৰীসকলক ৫,১০,৭৭৮ খাদ্য যোগান ধৰা হৈছে ।
এন এফ ৰেলৱেই দৈনিক যাত্ৰীসকলক ১৭,০০০ তকৈ অধিক ভোজনৰ যোগান ধৰিছে।
ইয়াত উল্লেখ কৰিব পাৰি যে কোনো স্পেচিয়েল ট্ৰেইনত দিয়া খাদ্য যাত্ৰীৰ সংখ্যা আৰু সযয়ৰ ওপৰত নিৰ্ভৰ কৰি দিয়া হয় । জানিব পৰা মতে, শ্ৰমিক স্পেচিয়েল ট্ৰেইনত প্ৰত্যেক যাত্ৰীৰ বাবে ১,১৬৭ খাদ্য উপলব্ধ কৰা হয় ।
এই খাদ্যসমূহৰ ভিতৰত আছে - বিৰিয়ানী (নিৰামিষ) , লাড়ু, কচুৰী , ব্ৰেড, কল , বিস্কুত, ভূজিয়া, চাহ , গাখীৰ( শিশুৰ বাবে), আদি । এই যাত্ৰাৰ সময়ত প্ৰায় ৪,৯২,৫০২ বটল পানী যাত্ৰী সকলৰ বাবে যোগান ধৰা হৈছে। প্ৰতিখন ট্ৰেইনত প্ৰায় ১,১২৭ বটল পানী যোগান ধৰা হৈছে।
খাদ্য যোগান ধৰা ষ্টেচন সমূহ হ'ল - কাটিহাৰ, নিউ জলপাইগুৰি, নিউ কোচ বিহাৰ, নিউ আলিপুৰদ্বাৰ, নিউ বঙাইগাঁও, গুৱাহাটী, লামডিং, বদৰপুৰ, মৰিয়নি , তিনিচুকীয়া।
