![স্নাতক চূড়ান্তৰ ছাত্ৰ-ছাত্ৰীৰ বাবে গুৱাহাটী বিশ্ববিদ্যালয়ৰ অফলাইন পৰীক্ষা !](http://media.assettype.com/assamese-sentinelassam%2Fimport%2Fh-upload%2F2020%2F09%2F07%2F157677-gu.jpg?w=480&auto=format%2Ccompress&fit=max)
ক'ৰ'নাৰ বিভীষিকাৰ মাজতো গুৱাহাটী বিশ্ববিদ্যালয়ে বিশ্ববিদ্যালয়খনৰ অধীনৰ কলেজসমূহৰ চূড়ান্ত ষান্মাসিকৰ ছাত্ৰ-ছাত্ৰীৰ বাবে অফলাইনত পৰীক্ষা অনুষ্ঠিত কৰাৰ সিদ্ধান্ত গ্ৰহণ কৰিছে ৷ ইয়াক লৈ ছাত্ৰ-ছাত্ৰীসকলৰ মাজত তীব্ৰ প্ৰতিক্ৰিয়াৰ সৃষ্টি হৈছে। প্ৰাপ্ত তথ্য অনুসৰি গুৱাহাটী বিশ্ববিদ্যালয়ে অহা ২২ছেপ্টেম্বৰৰ পৰা ১৫ অক্টোবৰলৈ বি এ, বি এছ চি আৰু বি কমৰ চূড়ান্ত ষান্মাসিকৰ পৰীক্ষা অফলাইন তথা পৰম্পৰাগত পদ্ধতিৰে অনুষ্ঠিত কৰিবলৈ লৈছে ৷
শুকুৰবাৰে বিশ্ববিদ্যালয়ৰ উপাচাৰ্য পি জে সন্দিকৈৰ অধ্যক্ষতাত অনুষ্ঠিত এখন সভাত এই সিদ্ধান্ত গৃহীত হয়। এই কথা বিশ্ববিদ্যালয়ৰ এজন বিষয়ববীয়াই কয় যে ছাত্ৰ-ছাত্ৰীসকলে পূৰ্বৰ লেখীয়াকৈ অৰ্থাৎ কাগজ-কলমেৰে লিখা পৰীক্ষাত অৱতীৰ্ণ হ'ব লাগিব ৷
আৰু পঢ়িব পাৰেঃ ক'ৰ'নাঃ নীতি-নিয়ম উলংঘাই আক্ৰান্তৰ সংখ্যা বৃদ্ধি কৰিছে