![ক'ৰ'নাত আক্ৰান্ত অসম আৰক্ষীৰ সংখ্যা চাৰি সহস্ৰাধিক, ১৮জনৰ মৃত্যু](http://media.assettype.com/assamese-sentinelassam%2Fimport%2Fh-upload%2F2020%2F09%2F18%2F160391-police.jpg?w=480&auto=format%2Ccompress&fit=max)
সৰ্বত্ৰে ত্ৰাসৰ সৃষ্টি কৰা ক'ৰ'না মহামাৰীত আক্ৰান্ত হ'ল অসম আৰক্ষীৰ চাৰি সহস্ৰাধিক বিষয়া-কনিষ্টবল। ক'ৰ'নাবিৰোধী যুঁজৰ আগশাৰীৰ সৈনিকৰ ভূমিকা পালন কৰা এইসকল আৰক্ষী বিষয়া-কনিষ্টবলৰ মাজৰ ১৮জন মৃত্যুমুখত পৰিছে। এই তথ্য সদৰী কৰিছে অসম আৰক্ষীৰ আইন-শৃংখলাৰ অতিৰিক্ত সঞ্চালকপ্ৰধান জি পি সিঙে।
এটা টুইটত শীৰ্ষ আৰক্ষী বিষয়াজনে কয় যে ক'ৰ'নাত অসম আৰক্ষীৰ অধিকাংশ বিষয়া-কৰ্মচাৰী আৰোগ্য হৈছে। ইয়াৰে ৩, ৪১১জনে পুনৰ কৰ্তব্যত যোগদান কৰিছে ৷ আৰোগ্যৰ হাৰ কমেও ৯৩শতাংশ ৷