বৰপেটাৰ আৰক্ষী অধীক্ষক ডাঃ ৰবীন কুমাৰে ক'ৰ'না মহামাৰীয়ে জটিল ৰূপ ধাৰণ কৰাৰ সময়ত দ্বৈত সেৱা আগবঢ়াই দেশৰ উপ-ৰাষ্ট্ৰপতিৰ প্ৰশংসা বুটলিবলৈ সক্ষম হৈছে ৷ উত্তৰ প্ৰদেশৰ গাজিয়াবাদৰ সন্তান ডাঃ কুমাৰ এম বি বি এছ আৰু এম ডি ডিগ্ৰীধাৰী ৷ ক'ৱিড-১৯য়ে জটিল ৰূপ ধাৰণ কৰাৰ সময়ত তেওঁ আৰক্ষী বিষয়া-কনিষ্টবলসকলক পাৰ্যমানে চিকিৎসা সেৱা আগবঢ়াইছে। আৰক্ষী সঞ্চালক প্ৰধান ভাস্কৰজ্যোতি মহন্তৰ অনুমতি সাপেক্ষে তেওঁ বৰপেটাত ক'ৱিড-১৯ সেৱা কেন্দ্ৰ মুকলি কৰে ৷
এনেদৰে আইন-শৃংখলাৰ কৰ্তব্য পালনৰ সমান্তৰালভাবে এনেদৰে চিকিৎসা সেৱা আগবঢ়াই ডাঃ কুমাৰে দেশৰ উপ-ৰাষ্ট্ৰপতি এম ভেংকয়া নাইডুৰ প্ৰশংসা বুটলিবলৈ সক্ষম হৈছে ৷ আৰক্ষীজনক প্ৰশংসা কৰি উপ-ৰাষ্ট্ৰপতি নাইডুৱে এটা টুইটত কয়, " এয়া মহান কৰ্তব্য ৷ ক'ৱিড-১৩ৰ বিৰুদ্ধে যুঁজ চলি থকাৰ সময়ত চিকিৎসক আৰু আৰক্ষীৰ দায়িত্ব একেলগে পালন কৰা কাৰ্য প্ৰশংসনীয় ৷"
আৰু পঢ়িব পাৰেঃ ক'ৰ'নাঃ নীতি-নিয়ম উলংঘাই আক্ৰান্তৰ সংখ্যা বৃদ্ধি কৰিছে
