বাঘজানৰ অগ্নিকাণ্ডৰ ভুক্তভোগীক সহায় আগবঢ়োৱাৰ নিৰ্দেশ পেট্ৰ'লিয়াম মন্ত্ৰী প্ৰধানৰ

৷ এই আলোচনাৰ সময়ত অইলৰ শীৰ্ষ বিষয়াবৰ্গৰ পৰা তেওঁ ঘটনাস্থলীৰ শেহতীয়া পৰিস্থিতিৰ তন্ন-তন্নকৈ বুজ লয় ৷
বাঘজানৰ অগ্নিকাণ্ডৰ ভুক্তভোগীক সহায় আগবঢ়োৱাৰ নিৰ্দেশ পেট্ৰ'লিয়াম মন্ত্ৰী প্ৰধানৰ

বাঘজানৰ অগ্নিকাণ্ডৰ ভুক্তভোগীক সহায় আগবঢ়োৱাৰ নিৰ্দেশ পেট্ৰ'লিয়াম মন্ত্ৰী প্ৰধানৰ

তিনিচুকীয়া জিলাৰ বাঘজান তৈল ক্ষেত্ৰৰ ভয়াবহ অগ্নিকাণ্ডৰ ভুক্তভোগীসকলক সহায়-সাহায্য আগবঢ়াবলৈ অইল ইণ্ডিয়া কৰ্তৃপক্ষক নিৰ্দেশ দিছে পেট্ৰ'লিয়াম মন্ত্ৰী ধৰ্মেন্দ্ৰ প্ৰধানে ৷ এই অগ্নিকাণ্ডক লৈ বুধবাৰে অইল ইণ্ডিয়া কৰ্তৃপক্ষৰ সৈতে পুনৰ এক জৰুৰী ভিডিঅ' কনফাৰেন্সত মিলিত হয় পেট্ৰ'লিয়াম মন্ত্ৰী প্ৰধান ৷ এই আলোচনাৰ সময়ত অইলৰ শীৰ্ষ বিষয়াবৰ্গৰ পৰা তেওঁ ঘটনাস্থলীৰ শেহতীয়া পৰিস্থিতিৰ তন্ন-তন্নকৈ বুজ লয় ৷ অইল ইণ্ডিয়া কৰ্তৃপক্ষই এক বিবৃতিযোগে এই তথ্য সদৰী কৰে ৷ আলোচনাৰ সময়ত কেন্দ্ৰীয় মন্ত্ৰীজনে লগতে অগ্নিনিৰ্বাপনৰ বাবে সকলো ব্যৱস্থা গ্ৰহণ কৰিবলৈ নিৰ্দেশ জাৰি কৰে ৷ আনহাতে, এই আলোচনাৰ পাছতে তাৎক্ষণিক পদক্ষেপৰূপে অইল ইণ্ডিয়াৰ মুখ্য পৰিচালন সঞ্চালকে চাৰিটা গোট গঠন কৰে ৷ এই গোট চাৰিটা হ'লঃ কাৰিকৰী, সাহায্য আৰু পুনৰ সংস্থাপন, সা-সঁজুলিৰ যা-যোগাৰ আৰু অন্যান্য বিষয় চোৱাচিতাকাৰী ৷

ইপিনে, ছিংগাপুৰৰ এটা বিশেষজ্ঞৰ দলো উপস্থিত হৈছে ৷ এই বিশেষজ্ঞসকল হৈছে ছিংগাপুৰস্থিত মেছাৰ্ছ ডিজেষ্টাৰ কণ্ট্ৰ'লৰ ৷ অইল ইণ্ডিয়াৰ অনুৰোধ মৰ্মে প্ৰতিষ্ঠানখনে প্ৰেৰণ কৰা বিশেষজ্ঞৰ দলটোত আছে মাইকেল আৰ্ণেষ্ট (জ্যেষ্ঠ খাদ বিশেষজ্ঞ), ক্ৰেইগ নেল ডানকান(খাদ নিয়ন্ত্ৰণ অভিযন্তা) আৰু এডৱাৰ্ড হেৰিছ মেকল'ড ( জ্যেষ্ঠ খাদ নিয়ন্ত্ৰণ বিশেষজ্ঞ) ৷ ইতিমধ্যে অইল ইণ্ডিয়াৰ শীৰ্ষ বিষয়াবৰ্গ বিশেষজ্ঞ দলটোৱে পৰিস্থিতি বুজ লৈ আছে।

আনহাতে, আনহাতে, অইল ইণ্ডিয়া লিমিটেডৰ বাঘজান তৈল ক্ষেত্ৰৰ ভয়াবহ অগ্নিকাণ্ডৰ ভুক্তভোগীক সহায় আগবঢ়োৱাৰ প্ৰতিশ্ৰুতি দিছে প্ৰধানমন্ত্ৰী নৰেন্দ্ৰ মোদীয়ে ৷ ৰাজ্যৰ সৰ্বত্ৰে আলোড়ন সৃষ্টি কৰা এই অগ্নিকাণ্ডৰ বিষয়টোক লৈ বুধবাৰে মুখ্যমন্ত্ৰী সৰ্বানন্দ সোণোৱালৰে এক টেলিফোনিক বাৰ্তালাপত মিলিত হয় প্ৰধানমন্ত্ৰী মোদী ৷ দুয়োৰে আলোচনাৰ সময়ত মোদীয়ে এই অগ্নিকাণ্ডৰ ভুক্তভোগী সকলোকে সহায় আগবঢ়োৱাৰ প্ৰতিশ্ৰুতি দিয়ে ৷ শীৰ্ষ চৰকাৰী সূত্ৰই প্ৰকাশ কৰা অনুসৰি মুখ্যমন্ত্ৰী সোণোৱালে বিষয়টো প্ৰধানমন্ত্ৰীক অৱগত কৰে ৷ তাৰ পাছতে প্ৰধানমন্ত্ৰীয়ে মুখ্যমন্ত্ৰীক এই প্ৰতিশ্ৰুতি প্ৰদান কৰে ৷

Related Stories

No stories found.
logo
Sentinel Assam - Assamese
assamese.sentinelassam.com