তিনি বছৰ পূৰ্বে এটা ৱাটছএপ গ্ৰুপত কৰা নিষিদ্ধ ড্ৰাগছ সম্বন্ধীয় আলোচনাই অধিক শ'লঠেকলৈ ঠেলিলে বলিউডৰ তাৰকা অভিনেত্ৰী দীপিকা পাড়ুকনক ৷ আজি শনিবাৰে পুৱা ১০বজাৰ পৰা নাৰ্ক'টিকছ কন্ট্ৰ'ল ব্যুৰ(এন চি বি)-এ অভিনেত্ৰীগৰাকীক বহুসময় ধৰি জেৰা কৰে ৷ প্ৰাপ্ত তথ্য অনুসৰি KWANৰ কৰ্মচাৰীসকলৰ সৈতে দীপিকাই ৱাটছএপ গ্ৰুপত কৰা ড্ৰাগছ সম্পৰ্কীয় আলোচনা এন চি বিৰ জেৰাৰ মূল বিষয়বস্তু হৈ পৰে ৷ KWAN-এ অভিনেত্ৰী দীপিকাৰ কাম-কাজ চোৱাচিতা কৰে ৷ এই কৰ্মচাৰীসকলক লৈ তেওঁ এটা ৱাটছএপ গ্ৰুপ খোলে ৷ এই গ্ৰুপতে তেওঁ মেনেজাৰ কৰিশ্মা প্ৰকাশক ড্ৰাগছ যোগান ধৰিবলৈ নিৰ্দেশ দিছিল ৷ ২০১৭অক্টোবৰত কৰিশ্মাক দীপিকাই সাংকেতিক শব্দ "মাল" আৰু "হাশ্ব" ব্যৱহাৰ কৰি ড্ৰাগছ যোগান ধৰিবলৈ নিৰ্দেশ দিয়াৰ তথ্য পোহৰলৈ আহিছে ৷
দীপিকাই ৱাটছএপ গ্ৰুপত এনে আলোচনা কৰাৰ তথ্য পোহৰলৈ আহে তেওঁৰ কৰ্মচাৰী জয়া শ্বাহক এন চি বিয়ে এন চি বিয়ে জেৰা কৰাত ৷ এন চি বিয়ে লগতে KWANৰ প্ৰতিষ্ঠাপক অংশীদাৰ ধ্ৰুৱ চিটগ'পাৰকাৰকো জেৰা কৰে ৷ আজি দ্বিতীয় দিনৰ বাবে এন চি বিয়ে দীপিকাৰ মেনেজাৰ কৰিশ্মাক জেৰা কৰে ৷ KWAN-ৰ কৰ্মচাৰীসকলক লৈ দীপিকাই খোলা ৱাটছএপ গ্ৰুপটোৰ প্ৰশাসক হৈছে দীপিকা আৰু তেওঁৰ মেনেজাৰ কৰিশ্মা ৷ এই গ্ৰুপৰ অন্যান্য সদস্যসকলৰ অন্যতম হৈছে বিজয় সুব্ৰমণিয়ম, অনিৰ্বান দাস, প্ৰযোজক মধু মাণ্টেনা আৰু KWANৰ মুখ্য কাৰ্যবাহী বিষয়া ধ্ৰুৱ চিটগ'পাৰ।
আৰু পঢ়িব পাৰেঃ দীপিকা-কৰিশ্মাৰ আলোচনাৰ "মাল" কি আছিল !
