![গোলাঘাটত গাহৰি ভৰ্তি এখন ট্ৰাক দুৰ্ঘটনাগ্ৰস্ত](http://media.assettype.com/assamese-sentinelassam%2Fimport%2Fwp-content%2Fuploads%2Fsites%2F2%2F2018%2F10%2FWhatsApp-Image-2018-10-04-at-16.41.12-1.jpeg?w=480&auto=format%2Ccompress&fit=max)
গোলাঘাট জিলাৰ ৩৯ নং ৰাষ্ট্ৰীয় ঘাই পথৰ ৰঙাজানত নিশা গাহৰি ভৰ্তি এখন ট্ৰাক দুৰ্ঘটনাগ্ৰস্ত হয় । দুৰ্ঘটনাটোত প্ৰায় ৮০/৯০ টা গাহৰিৰ মৃত্যু হোৱাৰ লগতে প্ৰায় ৪০/৫০ টা গাহৰি জীৱিত অৱস্থাতে নোহোৱা হয় অঞ্চলটোৰ পৰা ।
গাড়ীখনৰ চালক আৰু কৰ্মচাৰী সকলে জনোৱা অনুসৰি কেইজনমান দুৰ্বৃত্তই নুমলীগড়ৰ পৰা খেদি অহাৰ বাবেই এই দুৰ্ঘটনা সংঘটিত হয় । নিশা ধন সংগ্ৰহৰ বাবে নুমলীগড়ত গাড়ী ৰখাইছিল যুৱকৰ এটা দলে । দাবী কৰা ধন নিদি ট্ৰাকখনে পলায়ণ কৰাত ৰঙাজানলৈকে খেদি আহিছিল যুৱক কেইজনে ।
তীব্ৰ বেগত পলায়ন কৰা ট্ৰাকখন অৱশেষত নিয়ন্ত্ৰণ হেৰুৱাই পথৰ কাষত বাগৰি পৰে । দুৰ্ঘটনাত পতিত হোৱাৰ পিছতো দুৰ্বৃত্তৰ দলটোৱে ধন দাবী কৰি প্ৰহাৰ কৰে চালক আৰু কৰ্মচাৰী কেইজনক । ২২ চকীয়া ট্ৰাকখনত হাৰিয়ানাৰ পৰা ডিমাপুৰলৈ মুঠ ১৮০ টা গাহৰি কঢ়িয়াই আনিছিল ।