![গোলাঘাটত সংখ্যালঘূ ছাত্ৰ সন্থাৰ সভাপতিক গ্ৰেপ্তাৰকলৈ উত্তপ্ত পৰিস্থিতি](http://media.assettype.com/assamese-sentinelassam%2Fimport%2Fwp-content%2Fuploads%2Fsites%2F2%2F2018%2F10%2FWhatsApp-Image-2018-10-11-at-18.29.06-1.jpeg?w=480&auto=format%2Ccompress&fit=max)
গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ৰ চৌহদত গোলাঘাট জিলা সংখ্যালঘূ ছাত্ৰ সন্থাৰ সভাপতিক চিকিৎসাধীন অৱস্থাৰ পৰাই নগাঁও আৰক্ষীয়ে গ্ৰেপ্তাৰ কৰিবলৈ অহা ঘটনাক কেন্দ্ৰ কৰি সৃষ্টি হয় হুলস্থুলীয়া পৰিবেশ । আমছু গোলাঘাট জিলা সমিতিৰ সভাপতি কাদিৰ আলিক ধন দাবী গোচৰত বিচাৰাধীন হৈ থকা এটা গোচৰৰ ভিত্তিত নগাঁও আৰক্ষীয়ে গোলাঘাট আৰক্ষীৰ পৰা চমজি লবলৈ আহোতে একাংশ আমছু সমৰ্থকে কৰে উত্তপ্ত পৰিস্থিতিৰ । নগাঁও বৰহাট বাইপাছৰ সমীপত ধন দাবী কৰাৰ অভিযোগ কাদিৰ আলিৰ বিৰুদ্ধে । নিশা আৰক্ষীয়ে নগাঁওলৈ নিয়াৰ পথত আমছু সমৰ্থকে বাধা প্ৰদান কৰে ।
যোৱা ১ অক্টোবৰত উৰিয়ামঘাট আৰক্ষীয়ে ধন দাবী অভিযোগত কাদিৰ আলি সহ ৬ জন আমছুৰ নেতাক গ্ৰেপ্তাৰ কৰিছিল । গ্ৰেপ্তাৰৰ পিছৰে পৰা অসুষ্ঠতাৰ বাবে
গোলাঘাট জিলা কাৰাগাৰৰ পৰা কাদিৰ আলিক গোলাঘাট অসামৰিক চিকিৎসালয়ত ভৰ্তি কৰাইছিল । কালি পুনৰ স্বাস্থ্য পৰীক্ষা কৰি নগাওঁ আৰক্ষীৰ কাষ্টডীলৈ প্ৰেৰণ কৰাৰ পিছতে একাংশ আমছু সমৰ্থকে গাড়ীৰ সন্মুখত পৰি প্ৰতিবাদ কৰে । এই লৈ গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ৰ চৌহদত সৃষ্টি হয় উত্তপ্ত পৰিস্থিতি । গোলাঘাট আমছুৰ নেতা কৰ্মীয়ে কাদিৰ আলিক নিয়া বাহনৰ আগত পৰি প্ৰতিবাদ জনায় যদিও আৰক্ষীয়ে পৰিস্থিতি নিয়ন্ত্ৰণ কৰে ।