সদৌ অসম ছাত্ৰ সন্থাৰ এক বিশেষ দাবী যে ৰাজ্য চৰকাৰে ৩৯,০০০ প্ৰাথমিক বিদ্যালয়ৰ ৫০ লাখ ছাত্ৰ ছাত্ৰীৰ শিক্ষাৰ ক্ষেত্ৰত সমস্যাৰ সমাধান কৰাৰ কাৰণে পদক্ষেপ গ্ৰহণ কৰিব লাগে ৷লগতে শ্ৰেণী সমূহত নিয়মিত পাঠদান আৰু মধ্যাহ্ন ভোজন দিবলৈও আহ্বান কৰে ।ছাত্ৰ সংগঠনটোৱে ৰাজ্যৰ বিদ্যালয়সমূহৰ স্থিতি শক্তিশালী কৰিবৰ কাৰণে বাজেটত পুঁজি আৱন্টন কৰাৰ কথাও দাবী কৰে ৷ইফালে সদৌ অসম ছাত্ৰ সন্থাই চৰকাৰ আৰু অসম ৰাজ্যিক প্ৰাথমিক বিদ্যালয়ৰ শিক্ষক সন্মিলনীৰ মাজত এখন বৈঠক অনুষ্ঠিত কৰি এই সমস্যাসমূহৰ সমাধান কৰিবলৈ আহ্বান কৰে ৷
সদৌ অসম ছাত্ৰ সন্থাই কয় যে অসমৰ অধিকাংশ বিদ্যালয়ৰ প্ৰাথমিক বিদ্যালয়ত প্ৰধান শিক্ষকৰ পদ খালী হৈ আছে ৷গতিকে অনতি পলমে এই পদসমূহত নিযুক্তি কৰিব লাগে ৷সদৌ অসম ছাত্ৰ সন্থাৰ সভাপতি দীপাংক কুমাৰ নাথ আৰু সাধাৰণ সম্পাদক লুৰিণ জ্যোতি গগৈয়ে কয় যে,স্থানীয় বিদ্যালয়সমূহৰ অধিকাংশতেই এক দীঘলীয়া সময় ধৰি বিভিন্ন সমস্যাৰ সন্মুখীন হৈ আছে ৷সেই বিদ্যালয় সমূহৰ বিকাশ ভৱিষ্যতৰ অসমীয়া সমাজৰ কাৰণে অত্যন্ত জৰুৰী ৷ এই সমস্যাসমূহৰ ক্ষেত্ৰত চকু মুদা কুলিৰ ভাও ধৰি থকাৰ কাৰণে ছাত্ৰ সংগঠনৰ নেতাদ্বয়ে তীব্ৰ সমালোচনা কৰে ৰাজ্য চৰকাৰক ৷
লগতে কয় যে,প্ৰাথমিক বিদ্যালয়ৰ শিক্ষক সকলৰ নিজৰ প্ৰয়োজনসমূহৰ ক্ষেত্ৰত ৰাজপথত নামিবলৈ বাধ্য হৈছে ৷সদৌ অসম নেতা দ্বয়ে কয় যে সমগ্ৰ ৰাজ্যত ৩৯০০০ প্ৰাথমিক বিদ্যালয়ত প্ৰায় ৫০ লাখ ছাত্ৰ ছাত্ৰীয়ে সমস্যাৰ সন্মুখীন হৈ আছে ৷ বহু বিদ্যালয় এতিয়াও এজন শিক্ষকহে আছে ।ইয়াৰ বিপৰীতে অন্য কিছু বিদ্যালয়ত এজনো শিক্ষক নাই। অন্যহাতে শৈক্ষিক বৰ্ষ দুমাহৰ পূৰ্বেই শেষ হৈছে যদিও এতিয়াও ছাত্ৰ ছাত্ৰীয়ে পাঠ্য পুথি লাভ কৰা নাই ৷কিছু সংখ্যক বিদ্যালয়ত এতিয়াও ডেক্স বেঞ্চ নাই। ২০১৮ চনৰ পিছৰ পৰা ছাত্ৰ ছাত্ৰীসমূহ ইউনিফৰ্মৰ পৰা বঞ্চিত হৈ আছে ৷ লগতে বিগত বৰ্ষৰ অক্টোবৰ মাহৰ পৰা বিদ্যালয় সমূহত মধ্যাহ্ন ভোজনৰ পৰা বঞ্চিত হৈ আছে ৷ইফালে মেধাৱী ছাত্ৰ ছাত্ৰীসকলক ২০১৬ বৰ্ষৰ ছাত্ৰ বৃত্তি এতিয়াও পোৱা নাই। ২০১৭-২০১৮ বৰ্ষতেই বৃত্তি পৰীক্ষাৰ অনুষ্ঠিত কৰিলে যদিও ৰিজাল্ট এতিয়াও ঘোষণা কৰা নাই।
অন্য খবৰৰ বাবে পঢ়ক : শীৰ্ষ বাতৰি
