![গুৱাহাটীত জব্দ হেৰ'ইন, দুই ভাতৃক গ্ৰেপ্তাৰ](http://media.assettype.com/assamese-sentinelassam%2Fimport%2Fh-upload%2F2023%2F01%2F18%2F431278-capture5.webp?w=480&auto=format%2Ccompress&fit=max)
গুৱাহাটীঃ মঙলবাৰে নিশা গুৱাহাটী মহানগৰ আৰক্ষীয়ে দুজন ড্ৰাগছ ব্যৱসায়ীক গ্ৰেপ্তাৰ কৰাৰ লগতে তেওঁলোকৰ জিম্মাৰ পৰা যথেষ্ট পৰিমাণৰ অবৈধ হেৰ'ইন জব্দ কৰে। সূত্ৰৰ তথ্যৰ ভিত্তিত চান্দমাৰী আৰক্ষীয়ে "এ এছ ০১ ই এ ৪৩০৬" নম্বৰৰ স্কুটিত ড্ৰাগছ বিতৰণ কৰি ওলাই অহা মান্টু ৰহমানক আটক
কৰে। আৰক্ষীয়ে স্কুটাৰখনৰ লাগেজ কম্পাৰ্টমেণ্টত তালাচী চলাই তাত হেৰ'ইন উদ্ধাৰ কৰে।পিছত যেতিয়া আৰক্ষীয়ে তেওঁৰ গণেশ নগৰৰ ঘৰত অভিযান চলাই আৰু দুটা পেকেট আৰু ৬০টা হেৰ'ইনৰ বটল উদ্ধাৰ কৰে। আৰক্ষীয়ে লগতে কয় যে তেওঁৰ ভাতৃ মিণ্টু ৰহমানকো জড়িত থকাৰ কথা জানিব পাৰি তেওঁক আটক কৰে। অনুমান কৰা হৈছে যে জব্দ কৰা ড্ৰাগছসমূহৰ মুঠ ওজন প্ৰায় ৫৫ গ্ৰাম। ইয়াৰ মাজতে এন ডি পি এছ আইনৰ অধীনত এই যুটিৰ বিৰুদ্ধে গোচৰ ৰুজু কৰা হৈছে।